Lafaek News– Governu Japaun, liu husi embaxada Japaun iha Timor-Leste, apoiu Ambulánsia hamutuk tolu nolu resin ualu (38) tolu nolu resin hitu (37) ba Ministériu da Saúde (MS), no ambulánsia ida(1) ba Sekretáriu Estadu Protesaun Sivíl (SEPS)
Tuir Ministra da saúde (MS), Odete Maria Freitas Belo, hatete, governu Japaun apoiu ona Timor-Leste 38, husi totál ne’e ida sei intrega SEPS hodi atende sira nia servisu
“Ita hetan apoiu Ambulánsia totál 38 husi governu Japaun, 12 mak ita simu ona, 10 sei iha hela alfandega no restu sei prosesu hela iha dalan,” esplika Ministra da Saúde (MS), Odete Maria Freitas Belo, ba jornalista sira iha Palasíu das Sinzas, Kaikoli, kuarta-feira, (12/05/2021).
Governante ne’e informa, ambulánsia ne’ebé mak Timor-Leste hetan husi Governu Japaun ne’e 1 sei fó ba iha Sekretáriu Estadu Protesaun Sivíl (SEPS)
“Ambulánsia ne’e provizoriamente ita entrega 1 ba iha Sekretáriu Estadu Protesaun Sivíl (SEPS), sira mak husu, entaun ita fó 1 ba sira hodi halo sira nia servisu,” dehan MS
Iha fatin hanesan, Embaxada Japaun nian ba Timor-leste, embaxadór, Masami Kinefuchi, hatete, desde tinan kotuk Japaun deside ona hodi oferese programa asisténsia programa oi-oin no projetu sira hodi suporta Timor-leste iha nia luta hasoru pandemia Covid-19, ho totál orsamentu miliaun $16 resin dolar amerikanu.
“Ambulánsia ne’ebé mak durante ne’e ita hotu hein, foin lalais ne ambulánsia 4WD foun 22 finalmente to iha Timor-Leste, 16 liu sei tuir mai, no ekipamentu sira barak, seluk hanesan; monitor de cabeceira, autoclave no incubadora infantil mós sei entrega ba ita boot sira,” dehan embaxadór, Masami Kinefuchi,
Projetu ida-ne’e rasik vale ho total orsamentu milliaun $.4.6 dolares Amerikanu, no sei sai ativu signifikamente ida ba Timor-Leste boot hodi luta hasoru Covid-19, dehan nia
Enkuantu Ambulansia 38, no ekipamentus hanesan carinho de emerjénsia unidade 12, manometro de pressão arteríal unidade 765, estestoscópio 765, autoclave unidade 12, incubadora infantil unidade 10, bomba seringa unidade 18, monitor de cabeceira unidade 70, leitos hospitalares unidade 240 no gerador unidade 2.
Jornalista : Sandi Belo
Asisten Editór : Egidio Nono
