SAÚDE · 1 Apr 2021 23:50 ·

Governu Husu Sidadaun Hotu Labele Tauk Tuir Teste Swab


Governu Husu Sidadaun Hotu Labele Tauk Tuir Teste Swab Perbesar

Lafaek News-Ministru Prezidénsia Konsellu Ministru (MPKM), Fidelis Magalhães, husu ba sidadaun hotu iha Territóriu Timor-Leste laran tomak atu labele tauk bainhira tuir prosesu teste swap, tanba liuhosi teste amostra nee ajuda tebes oinsá atu deteta pesoál ne’ebé iha kontaktu ho ema ne’ebé pozitivu ba Covid-19.

Tuir governante nee katak, teste swab diak ba ida-idak nia-an, tanba deteta sedu bainhira ema ida iha pozitivu ou iha ameasa nia laran atu hetan pozitivu, pesoál saúde sira bele fó apoiu nesesáriu atu hasa’e sistema imunidade no atu bele konsumu ai-han ne’ebé diak liután ho medikamentu nesesáriu hodi bele aumenta imunidade nune’e bele aguenta.

“Ne’e duni teste swab ne’e importante atu bele hakotu tiha kadeia de transmisaun ne’e, laós razaun atu sidadaun tauk fali teste swab, laós lori risku mai ita-nia moris ou hatauk fali ita,” afirma Ministru Fidelis Magalhães, liuhosi Video Konferénsia iha ámbitu aprovasaun medida Estadu Emerjénsia (EE) ne’ebé efeitu hosi Prezidente Repúblika Númeru 17/2021, loron 31 fulan marsu hodi hatán ba pandémia Covid-19, Kinta, (01/04/21).

Governante ne’e informa, estadu emerjénsia sei mantein nafatin rekezitu sira hanesan konfinamentu obrigatóriu, ba hirak ne’ebé tama hosi li’ur, no ba hirak ne’ebé pozitivu, nia métodu konfinamentu ne’e Ministra Saúde bele halo tuir diploma ministeriál ida hodi bele regula, katak kondisaun saida mak ema bele halo konfinamentu obrigatóriu iha uma, no iha kondisaun saida mak nia tenke ba iha fasilidade saúde nian.

“Maibé Ministra Saúde mak iha kompeténsia atu foti desizaun no halo avaliasaun, depende ba kondisoens saúde nian, atu transmite ou lae, moras ne’e iha uma laran deit ou lae, maka ministra sei halo despaxu ida atu deside ema ne’e bele ba iha kuarentena ou halo tratamentu iha sira-nia uma rasik, tenik nia.
Enkuantu regra jerál maka labele sai hosi uma, só bele sai atu hetan nesesidade bázika ruma hanesan hola ai-han, hola medikamentu sira, lori ema moras ba óspital no lori ema ruma atu ba polísia.

Entretantu estadu emerjénsia ne’e sei tama em Vigór hosi oras 23:59, kalan 03/04/2021 to’o oras 23:59, 02/05/2021. Nunee medida ne’ebé mak governu hatuur horiseik, hanesan de’it ho ida ne’ebé agora iha hela, só unika alterasaun mak sei mudansa hosi 03/04 to’o 02/0/2021.

Jornalista : Juvita dos Santos

Editór     : Lino Aparicio

1,145 Views
Artikel ini telah dibaca 9 kali

Baca Lainnya

Sentru Saúde Lore-I Laiha Dotor Atu Atende Pasiente Inan Isin-rua 

6 June 2024 - 15:51

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Trending di SAÚDE