Lafaek News—Governu liu husi Ministériu Saúde identifika ona eskola STM ho Malll-Golgota sai fatin izolamentu ba pasiente Covid-19 ne’ebé moderadu.
“Ita identifika ona fatin 3; Eskola STM Andar 2, Salaun STM ho Mall Golgota atu sai fatin izolamentu ba kazu moderadu,” dehan MS Odete Maria Freitas Belo, ba jornalista sira iha rezidensia PM Farol, tersa, (11/05/2021).
Odete dehan, governun halo ona levantamentu ba fatin tolu ne’e nia kustu ladun karun, maibe presiza reabilitasaun hafoin bele utiliza ba izolamentu kazu moderadu atu nune’e Evita auto izolamentu iha uma.
“Fatin 3 ne’e sai izolamentu ba kazu moderadu ka asintomatiku, ita la fó dalan ba ema sira ne’ebé mak ho sintomas atu hela iha uma, no ha’u propoin atu la lori ema ho sintomas halo auto izolamentu,” tenik nia.
Jornalista : Sandi Belo
Asisten Editór : Pedro de Almeida
