Lafaek News-Governu Autralia apoiumateriál umanitária ba governu Timor-Leste liuhusi Ministériu Solidaridade Sosiál no Inkluzasun (MSSI) hodi tulun vitima inundasaun ne’ebé ho kondisaun Vulneravél hanesan Difesíensia, inan isin rua, labarik sira iha Timor-Leste
Tuir Ministra Solidaridade Sosiál no Inkluzasun (MSSI), Aramanda Berta dos Santos, Imforma, governu Australia apoiu materiál umanitária ba ema sira ne’ebé mak vitima ba akontesimentu siklone seroja ne’ebé hamosu inundasaun liu-liu iha Grupu sira ne’ebe mak vulniravl no ema Defisíente sira iha fulan ida liuba
“Ohin ita hetan umanitária husi Australia, ho ajuda ida-ne’e ita sei tau prioridade ba iha ema vulneravél sira, inan isin rua, labraik sira no Defesíente sira,”dehan VMP-MSSI Armanda Berta iha salaun Miiistro Solidaridade Sosial no Inkluzasun, Kaikoli, Tersa (11/05/2021)
Governante ne’e mos agradese ba governu Australia tanba apoiu ona materiál umanitária sira ne’e mai iha ema grupu vulneravel sira iha Timor-Leste liuliu ba vulneravél feto, labarik no ema Defisíensia sira ne’ebé mak durante afetadu ba iha Inundansaun.
Iha fatin hanesan, Embaxada Australia iha Timor-Leste, embaxadór, Petter Robert’s, hatete, governu Australia servisu hamutuk ho governu Timor-Leste hanesan nasaun ne’ebé mak viziñu nomos amigo tenke ajuda malu bainhira hasoru situasaun Difisíl.
“Ha’u kontente tebes ajuda Timo-Leste, bainhira dezastre naturais akontese iha Timor-Leste governu Australia prontu servisu hamutuk, tanba nasaun viziñu, kolega, amigo no nasaun parseiru,” dehan nia.
Embaxadór ne’e haktuir, ohin mai iha MSSI lori apoiu sasan hosi Australia atu fornese ba iha ema grupu vuneravél sira, feto, labarik no ema Defesíensia sira ne’ebé mak durante afetadu ba iha Inundansaun no iha pakote atu suporta Timor-Leste, atu reponde ba iha inundasaun ho osan montante milaun us$8.5.
Enkuantu iha pakote apoiu ne’e kompostu husi Hygiene Kids (Pakote higene) 80 kaixas, Hygiene kids 80 kaixas, Tools kits (ekipamentus kontrusaun) 80 kaixas, Kitchen Kits (sasan dapur) 80 kaixas, Blankets thin (kapoti) 400 manta, Mosquiteru nets 240 Pcs, Maskra (community masks) 68,400/377 kaixas no Tarpaulins ( Lonas) 80 pcs.
Jornalista : Sandi Belo
Asisten Editór : Egidio Nono
