Lafaek News—Funsionáriu husi Administrsaun Ajénsia Nasionál Avisaun Timor-Leste, Ep (ANATL-EP) ohin simu ona vasina AstraZeneca.
Prezidente ANATL.EP José Trindade da Cruz Pinto, afirma funsionáriu sira iha Aeroportu no Take Holder konsidera liña oin front line, tanba sira maka atendende ba movimentu sidadaun sira ne’ebe tama sai, tanba ne’e Ministériu Saúde no Organizasaun Mundial Saúde (MS) vasina ema ne’ebé liña frente.
“Ha’u hato’o ba funsionáriu hotu ne’ebe serbisu iha Aeroportu INL ida-idak tuir vasina maibe ne’e la obriga, ohin ami hetan opportunidade atu halo vasina ba ami hotu, ha’u hanesan presidente ha’u mak vasina uluk atu nune’e bele hatudu exemplo ba ha’u nia funsionáriu sira hotu bele mai halo tratamentu ka hetan vasina,” Dehan Presidente ANATL.EP Jose Trindade da Cruz Pinto ba Jornalista iha Aeroportu Internasionál Nicolau Lobato Komoro, Sesta, (16/04/2021).
Prezidente dehan, funsionáriu ne’ebe hetan vasina kuase nain 50 maibe ida ne’ebe naran la tama iha lista mós vasina hotu no la fo risku, tanba nia parte vasina sedauk hatudu reasaun.
“Ha’u foin vasina to’o agora ha’u seidauk hetan reasaun ruma iha ha’u nia Fisiku maibe psikologikamente ha’u kontente tanba ha’u hetan ona seguransa diak ida bele ajuda nmo proteje ha’u hodi bele kontra ona virus Covid-19 ne’e,”Tenik presidenti ANATL.
Entretantu total funsionáriu Administrsaun Agensia Nasionál Avisaun Timor-Leste, Empreza Publika (ANATL-EP) hamutuk hotu 167, inklui mós Take Holder sira hanesan Polisia UPF Imigrasaun, Karantina, PNTL No Seluk tan.
Jornalista : Sandi Belo
Asisten Editór : Pedro de Almeida
