Lafaek News—Xefe Estadu Maiór Jenerál F-FDTL, Tenente Jenerál Falur Rate Laek, deklara ba forsa Militár ne’ebé envolve iha instituisaun oi-oi, kompostu husi setor informasaun no Polísia Militar labele envolve iha servisu segurasa nian.

Xefe Estadu Maiór Jenerál F-FDTL Tenente Jenerál Falur Rate Laek hatoo asuntu ne’e relasiona ho konfrontasaun entre joven sira ne’ebé mak akontese iha munisípiu Dili.

Tuir Jenerál Falur, konfrontasaun joven sira ne’e normál, bainhira iha ona indísiu problema sira ne’e hotu, ne’ebé krime normál ajitasaun ne’e di’ak hela la altera situasaun buat ida, agora ita iha tan anu polítiku ne’ebé ita lalika preokupa demais ida ne’e.

“Aproveita apelu ba ha’u nia forsa sira, militár sira ne’ebé envolve institutusaun oi-oin Komponente Informasaun, Polísia Militár hotu-hotu labele envolve iha servisu ne’ebé seguransa ninian, sira tenke hadook an diretiva ne’ebé ha’u fó ba sira. Ne’ebé de’it rona, no haree ha’u agora militár sei la tama to’o situasaun seguransa nian”, hateten xefe Estadu Maiór Jenerál F-FDTL Tenente Jenerál Falur Rate Laek ba jornalista sira iha Palasíu  Prezidensiál Bairu pite Kinta(26/01/2023).

Tuir Tenente, A não ser solusita ne’e husi governu, estadu mak intervensaun ruma ba situasaun sira ne’ebé krítiku, situasaun ne’ebé normál ne’e nesésidade saida mak forsa ne’e tun,  rai ne’e pas.

Iha okaziaun ne’e mós xefe Estadu Maiór Jenerál F-FDTL Tenente, Apelu ba Joven hotu prepara an atu halo servisu profisionais, no estuda tanba ne’e kuidadu an labele estraga  futuru, ba halo tiha krime kolokadu tiha ona data baze sira nia futuru ne’e komprometidu ne’ebé ba teste ruma ema halo avaliasaun la di’ak, ne’ebé di’ak liu hakmatek, tanba ukun an ne’e ho lei no regra.

Enkuantu enkontru entre xefe Estadu Maiór Jenerál F-FDTL Tenente Jenerál Falur Rate Laek no xefe Estadu José Ramos-Horta ne’e toka mos asuntu kona-ba  situasaun agora, planu atu apoiu seguransa, kontrola forsa mantein iha nia fatin, hadia ka kurize sala ruma ne’ebé akontese, hola medida ruma buat ne’ebé la di’ak.

Jornalista : Rita Moniz

Editór      : Agapito de Deus