Lafaek News—Prezidente Interinu Partidu Frente Mudansa (PFM) sábadu (13/02/21), ofisialmente lansa fatuk dahuluk ba konstrusaun tanke bee iha aldeia Riatoni suku Haupu, postu administrativu Letefoho, munisípiu Ermera, ne’ebé kustu ho osan $.1000, liu husi orsamentu subensaun públiku Frente Mudansa nian inklui distribui mos fahi oan 2 ba uma kain ida iha postu administrativu Maubara, munisipiu Likisa.
“Nu’udar buat ida ita hatene tafui kaben labele lambe, Frente mudansa halo vizita dahuluk iha aldeia ida ne’e ami promete atu halo tanke bee mós id aba komunidade aldeia Riatoni ne’ebé kuaze dezde okupasaun Indonézia too ohin loron halerik ba bee moos,” PFM Interinu Egidio de Jesus ba jornalista sira iha Rema-Lalan aldeia Riatoni, sábadu (13/02/21).
Egidio de Jesus afirma, nesesidade ne’ebé sempre sai problemátiku iha sosiedade mak eletrisidade ho bee moos katak laiha bee laiha moris no laiha eletrisidade sei laiha mós atividade (nó electricity no activity, no water no live), bee mak bele fó moris ba ema no kriatura tomak iha rai ida nia leten.
“Hanesan ita haree sira nia halerik ami tutur iha ulun, kole hatuur iha kbaas, ohin 13 fevereiru, nu’udar prezidente Frente Mudansa, lori osan subensaun publika husi asentu kadeira ida nian bele halo tanke bee mós no fahe mós atu nune’e povu sira labele halerik ba bee moos,” katak Prezidente interinu FM ne’e.
Lider partidu Frente Mudansa ne’e haktuir, funsaun husi orsamentu subensaun publika proporsionalmente tuir lei estadu nian husi CNE kada partidu ho kadeira ida 92000, annualmente, uluk FM renpende, beik sala, beik sala la di’ak liu, kadeira rua 1.804 mil X 5 anus laiha jestaun ne’ebé di’ak kadeira rua mós lakon de’it.
Tanba ne’e, osan subensaun públika ne’ebé partidu hotu hetan, maibé partidu Frente Mudansa lakohi utiliza osan ne’e atu lakon leet de’it, maibé lori osan subensaun ne’e hodi kria kooperativa ba konstrui tanke bee moos inklui eletrisidade povu populasaun sira labele halerik ba bee moos no eletrisidade.
Polítika ida ne’e Frente la’o tuir ain fatin saúdozu Francisco Xavier Amaral no Nicolau Lobato, katak liberta povu liu husi dalan katak ema ne’ebé moris mukit, tenke hasai nia husi mukit, ema ne’ebé laiha bee mós tenke lori bee ba fó, laiha eletrisidade tenke lori eletrisidade ba fó, ida ne’e mak liberta povu husi kiak ho mukit.
“Tuir kultura ita nian katak han isin sikat ruin ba iha 2023, sorte ami la ho kadeira 5-10, se ami ho kadeira barak hanesan ne’e, osan subensaun publika ne’e ami bele hadia ona povu nia moris, maibé ami hetan kadeira ida de’it liu husi koligasaun FDD, Frente Mudansa lori subensaun publika kadeira ida hodi responde ezijénsia povu nian iha baze, liu-liu eletrisidade, bee moos, no hakiak fahi,” katak partidu Frente Mudansa Egidio de Jesus.
Iha fatin hanesa, koordenadór partidu Frente Mudansa, aldeia Riatoni, Domingos de Deus Martins reafirma, nia parte sente kontente ho konstrusaun tanke bee móos ne’ebé apoiu husi partidu Frente Mudansa liu husi orsamentu subensaun publika atu nune’e akumula bee hodi distrigui ba komunidade sira ne’ebé hela dook husi bee matan.
“ Ami agradese tebes ba prezidente interinu Frente Mudansa, mai realiza duni sira nia promesas ne’ebé promote ona mai ami, ami agradese tebes, bele harii ona tanke bee moos ida iha aldeia ida ne’e atu fornese bee ba komunidade ne’ebé dezde okupasaun Indonézia too ohin loron halerik tebes ba bee moos,” katak Domigos de Deus Martins hafoin partisioa lansamentu fatuk dahuluk iha Rema-Lalan aldeia Riatoni.
Entretantu, iha loron hanesan hafoin lansa fatuk dahuluk, Prezidente interinu Partidu Frente Mudansa Egidio de Jesus ho nia ekipa arranke kedan husi Letefoho ba munisípiu Likisá postu Maubara hodi fahe mós fahi oan rua uma kain ida iha suku Maubara-Lisa.
Prezidente FM ne’e reafirma, polítika partidu Frente Mudansa hakarak hadia ekonomia povu liu husi kooperativa hakiak animal, hanesanmanu, fahi no kuDa ai-mahoni ho kmaek, atu nune’e bele hasai povu husi kiak no mukit laran.
Kontributor : Leo Martins
Editora : Nelya Barros
