Lafaek News–Moris hanesan umanu presiza liman ho ain kompleta atu funsiona ba servisu, ain atu la’o no liman bele kaer servisu ruma hodi hetan netik osan rahun uituan nune’e bele sustenta netik moris.

Moris ne’e sei satan ho turbulénsia hanesan laloran tasi soke netik bero ne’ebé atu buka ikan iha tasi leten forsa laek tebes no is la too hodi rasta roda redi ne’ebé soe iha tasi laran hodi tisi ikan sira iha tasi laran susar tebes, hanesan ita ema kriatura presiza liman-ain ne’ebé forsa atu bele halo netik servisu, tanba liman hanesan hanesan xave ba moris ain bele la’o, liman kaer ho kakutak hodi hanoi buat ruma.

Ita refere ba Florindo da Silva ho tinan  (65) Hela iha suku kampun baru aldeia Moris-Foun oras ne’e da-daun tuur de’it iha fatin, labele hakat ain no foti liman tula iha buat ruma, tanba moras liman-ain maten kauza husi lepra no atake iha nia isin dezde tinan 2003 too ohin 2022, situasaun ne’e kauza Florindo sai hanesan ema defisiénsia labele halo betik servisu ruma hodi sustenta nia nesesidade uma laran. Kondisaun ladun saudavel matan malahuk no Liman ain estruk hotu  hafoin hetan moras lepra iha tinan 2003.

Florindo da Silva haktrui fali nia istoria nia hetan moras lepra ne’e iha tinan 2003, moras ne’e halo nia senti triste Tanba afeta hotu ba nia kondisaun isin liu-liu iha parte liman ain la funsiona.

Ha’u hetan moras ne’e iha tinan 2003,no moras ne’e halo ha’u terus no triste tanba moras ne’e afeta fali ba ha’u nia matan malahuk hare’e la di’ak no hau nia liman ain sai struk hotu,” haktuir moras atan ne’e.

Momentu moras lepra ne’e mosu primeiru, Florindo halo  kedan tratamentu iha klínika Bairu-Pité durante fulan tolu, maibé bainhira treinamentu fulan tolu ne’e remata rezultadu laiha moras nafatin iha nia isin lolon.

Moras ne’e mosu foufoun Hau halo tratamentu dahuluk iha klínika Bairo-Pite iha ne’eba, Ha’u baixa fulan tolu depois mak doutor sira muda fali ba HNGV hodi halo tratamentu durante fulan ida ho balun, maibé moras ne’e nafatin to’o agora ,”dehan Nia

Florindo la kole atu halo tratamentu ba nia kondisaun saude, nia obriga an hodi ba tratamentu iha klínika balun iha Dili laran ne’e ho maneira doutro sira lori aimoruk ba de’it nia uma, kada fulan hodi konsumu ba nia saude, maibé laiha mudansa.

Agora ha’u la ba ospitál ona iha de’it ona uma kada fulan doutor sira lori de’it aimoruk mai hemu,” dehan Florindo.

Iha fatin hanesan Fania da Silva hanesan oan husi moras atan, Florindo da Silva haktuir katak momentu sei baixa hela doutor sira dehan han hahan ne’ebe merese atu han, maibé osan laiha atu sosa hahan ne’ebé doutor sira rekomenda, pasiénsia haan de’it aihan ne’ebé iha.

Momentu sei baixa hela ne’e doutor sira dehan tenke Han hahan ne’ebé merese atu han duni, maibe Ita hare’e ba Ita nia kbiit ne’ebe iha entaun kualker hahan ne’ebe mak iha nia han de’it,” nia hakotu

Tuir observasaun Jornalista lafaek news nota katak Florindo nia kondisaun ladun diak liman ain la funsiona, matan malahuk hare’e ema ladun mos, la’o ba fatin dook labele iha parte liman mosu kafuak bobot mean too kanek

Jornalista : Domingas Viana

Editor       : Agapito de Deus