Lafaek News–Diretor Asosiasaun Halibur Difisiénsia Matan (AHDMTL), Gaspar Afonso, ameasa lori lori membru Difisiénsia Matan ba hela iha palasiu Governu bainhira Primeiru Ministru la tau fundus konstrusaun uma Defisiénsia matan.
Diretor AHDMTL, Gaspar Afonso informa, ema ho difisiénsia matan iha Timor-Leste ne’e barak hakarak tuir treinamentu, maibé fatin mak limitadu, tanba da-daun ne’e AHDMTL aluga de’it komunidade nia uma.
Ministériu Solidariedade Sosiál Inkluzaun (MSSI), dehan tinan ida nee sira lakoi tau osan ba uma aluga ne’ebe dadaun ne’e ami hela, tan ne’e ha’u husu fundus sira (governu) la tau ka fo, ha’u lori maluk defisiénsia matan ba hela iha palasiu governu tanba ema barak ne’e ha’u atu lori ba ne’ebe? Karik governu la kria kondisaun, dehan Diretor ba Lafaek News iha nia knaar fatin Manleuana Dili, Kuarta 12/01/2022.
Nia afirma, AHDMTL hakarak halo dormitóriu ba feto ho mane no mos edifísiu moru tenke haleu edifísiu ho dormitóriu inklui ekipamentus ne’ebé difisiénsia matan presiza.
Rekomenda ba primeiru ministru atu enkamina fundu ba ami hodi halo konstrusaun uma ba ami nia rai iha tibar tanba ami la iha kbiit atu konstru rasik no mos fatin ida agora limitadu tebes mai ami,” nia rekomenda.
Gaspar deklara, Komunidade sira hanoin asosiasaun nee osan boot entaun sira sempre hanoin atu aumenta uma aluga nee nia folin maibe AHDMTL kbiit la too atu selu tanba kada fulan sempre selu uma aluga nee ho montante $. 950.00
Edifisiu de’it selu $. 600.00 dormitoriu feto nian selu $.200.00 no mos Domitoriu mane nia selu $.150.00 hamutuk mak kada fulan selu $.950.00 ba uma nain,” Gaspar esplika.
Tuir dadus Total membru ne’ebé hela iha Asosiasaun Halibur Difisiensia Matan (AHDMTL), iha rai laran ne’ebe rejistu ona hamutuk ema nain 245 iha Dili ema nain 89 no sira seluk sei iha munisípiu.
Jornalista :Orlando Magno
Editor : Agapito de Deus
