Lafaek News–Komandante Jeral Polisia Nasional Timor-Leste (PNTL), Komisariu Faustino da Costa, orienta ona komandu PNTL husi munisipiu 12 inklui RAEOA hodi buka tuir autor ADS ne’ebe ho nia fen halai lakon.
“Rona novidade ida ne’e sente tristeza boot, maibe ida ne’e asuntu familia ninian ami nia membru ne’e, dala ruma iha problema uituan ho nia laen maka mosu akontesimentu ida hanesan ne’e, dehan Komisariu Faustino ba jornalista iha Fronteira Mota-ain Bobonaru, Kuarta (07/07/2021).
Komandante Jeral PNTL Faustino relata, hafoin akontesimentu ne’e suspeitu halai ses tiha, maibe ekipa PNTL nafatin buka no kordena ona ho familia autor nian nune’e autor bele entrega aan ba polisia.
“Hafoin akontesimentu nee akontese ita orienta kedas komandante munisipiu sira atu antisipa karik autor ne’e tama iha munisipiu seluk ita bele identifika tanba ami haruka ona ninia fotografia ba komandante munisipiu hotu,” Faustino
Entretantu Membru PNTL ne’ebé deskonfia hetan oho husi nia laen durante ne’e halo nia knaar iha komandu Polisia Nasional Timor-Leste (PNTL), munisipiu Dili.
Jornalista : Orlando Magno
Editor : Agapito de Deus
