Lafaek News-Familia matebian afeta COVID-19 Roberto José Barbosa informa, iha parte familia sente triste tanba Matebian Francisca Gama nia moras komplikadu to’o husik mundu ida nee.
Familia asinte hela matebia Pasiente Covid 19 ne’ebe haloot iha Metinaro, Foto Lafaek News : Orlando Magno
Matebian husi munisipiu Baukau postu administrativu Laga Suku Salari no mos matebian husik hela oan nain rua ida Nonu Ano no ida fali foin Sestu Ano, oan mane ne’ebe la tama kuarentina dadaun n’ee hela ho nia tian sira.
“Balun bele mate ho moras seluk maibe ami nia feton ida ne’e mate ho moras COVID-19 maibe antes ne’e nia hetan tiha ona moras ne’ebe komplikadu tebes entaun durante ne’e nia hein atu fase ran maibe la konsege fase ran tanba ami familia mos prepara hela depois moras COVID-19 moras ne’e mos kona tan nia,” dehan Familia matebian Roberto ba Jornalista iha Semiteriu COVID-19 metinaro Dili, Tersa 06/04/2020.
Roberto esplika, ida ne’e mak dalan ba ita ema moris nia tanba ita moris ne’e balu mate ho moras no ami nia feton ida ne’e mate ho moras COVID-19 maibe antes ne’e nia afeita moras barak ona.
“Bainhira nia afeta tiha moras COVID-19 pesoal saude sira lori nia ba iha kuarentina tasi tolu to ikus ami nia Alin feto, ami nia inan Franciaca gama hakotu is,” nia deklara.
Nunee mos Familia matebian nafatin agradese ba ekipa tomak no mos ba Amu Anjelo ne’ebe halo misa liturjia ba matebian Fransisca Gama ohin 06/04/2021 husi mundu ida nee.
“Dala ida tan ami husu obrigadu ba ekipa tomak liu-liu ba amu Anjel tanba bele mai dirize serimonia ida ne’e ho misa liturjia maibe ami la iha buat ida mak atu hatoo tanba ida ne’e mak dalan ba ita ema moris nian katak ida ne’e atu hasoru iha nia vida,” Roberto Afirma.
Tuir familia nia planu Bainhira moras COVID-19 iha Timor-Leste la iha ona sira sei foti mate isin ne’e ba iha nia knua tanba halo tuir sira nia lisan ne’ebe iha nanis tiha ona.
Jornalista : Orlando Magno
Editor : Acacio Pinto
