SOSIÁL · 3 Apr 2021 05:26 ·

Familia matebian Monu-Ain Ba MSSI Foin Fó Kaixaun


Familia matebian Monu-Ain Ba MSSI Foin Fó Kaixaun Perbesar

Lafaek News—Sábadu (02/04/2021), família husi vítima ne’ebé Taran An iha Danau-1 Tasi-Tolu suku Komoro, ba monu ain ba Ministériu Solidariedade Sosiál no Inkluzaun (MSSI) hafoin fó kaixaun hodi haloot mate isin.

Fe’en boot ho matebian nia oan nain tolu asiste hela matebian nia isin mate iha nia uma iha tasi tolu, Foto : Acacio Pinto

 

Xefe Bairru Danau-1, Adão Babo, hatoo kestaun ne’e ba lafaek news iha mate uma, hafoin ho família matebian ba monu ain iha MSSI hodi ho razaun husu kaixaun atu haloot vítima nia mate isin ne’ebé kauza husi taran an, tanba laiha hahán iha uma laran.

 “Ohin dadeer ha’u ho familia ami ba hein ami telefone ba monu ain ba MSSI foin fó kaixaun ba ami, Matebian mós kartaun eleitoral laiha, tanba lakon tiha, entaun horiseik MSSI la fó kaixaun ba ami,, ohin dadeer ami ba fali mak sira foin monu ain mak MSSI fó kaixaun,” haktuir xefe Bairru Danau-1, Adão Babo, ba Lafaek news iha mate uma, Tasi-tolu, sábadu (02/04/2021).

Iha fatin sorin seluk, Celestino Magno nu’udar família matebian, haktuir,  familia simu kaixaun husi MSSI iha tuku 9 dadder, too tuku 10: 10, hafoin haloot matebian ba kaixaun laran, mate isin falun ho plástiku mutin hafoin polísia FORENSIK no dotor halo verifikasaun iha fatin akontesimentu.

Familia sira preukupa hela atu haloot matebian ba kaixaun hodi deside ba prosesu funebre. Foto :  Acacio Pinto 

 Tuir istória husi inan hakiak Florentina Soares, katak, antes ne’e matebian husu foos ba nia inan hakiak ne’e no inan hakiak fó foos iha toples ida, tuir fali matebian husu tan, maibé inan hakiak labele fó tanba nia mós hanesan feto faluk no laiha osa atu sosa foos.

“Husu primeiru ha’u fo foos toples  ida, segundu mai husu tan foos, maibé ha’u sente an ha’u nia feto foun, entaun ha’u la fó, ha’u atu ba deve foos maibé ha’u feto faluk ne’e deve ema la fo” katak inan hakiak  Florentina.

Nune’e mós, Filomena Xavier nu’udar viziñu ho matebian mós haktuir hanesan antes ne’e iha loron kinta ne’e matebian husu osan dua dolar atu sosa nesesiade iha uma laran.

 “Nia husu ha’u hahán ne’e iha kinta, no husu tanba viziñu ida naran Filomena Xavier, hodi husu osan dolar rua, ha’u fó dua dolar, husu ha’u osan dua dolar, entaun ha’u iha hela osan lima dolar entaun ha’u troka fo nia dua dolar no nia fó fali tiga dolar mai ha’u,”  dehan Viziñu Filomena Xavier.

Matebian moris iha loron 15/02/1982, mate iha loron 1/04/2021, husi munisípiu Ermera suku Estadu postu administrativu Ermera, munisipiu Ermera, matebian husik hela nia kaben Nazario Manuel Soares, no oan nain tolu ne’ebé da-daun família sira hakiak hela iha Maselidun no matebian nu’udar feen daruak husi fen dahuluk Nazario Manuel Soares.

iha okaziaun ne’e kaben dahuluk husi Nazario, Celeste Maia konta katak durante ne’e sira nain rua matebian nunka hirus malu, maske hasoru susar oi-oin, maibe sempre konsidera malu.

“Durante ne’e ami la hirus malu, ami haree malu di’ak, nia oan nain rua Deliono Maia tinan 11 ho Jacob Maia, tinan 10 sira nain rua hela ho ha’u,” katak Celeste nu’udar fen dahuluk husi matebian.

 

Tuir observasaun, dotor Kubanu hamutuk ho FORENSIK too iha fatin akontesimentu hodi kore tali husi matebian nia kakorok, nune’e la konsege halo autopsia tanba realidade mate tanba tara an.

 

Jornalista : Acacio Pinto

Editora       : Nelya Barros

 

 

 

 

 

1,536 Views
Artikel ini telah dibaca 77 kali

badge-check

Editor

Baca Lainnya

Uma Lahuk Hatauk Faluk ho Oan Kiak Tinan 10 Moris Ho Mata-wen

6 June 2024 - 14:00

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Kbiit Laek Maria Empresta Foos Husi Viziñu hodi Sustenta Oan Sira Ninia Moris

28 May 2024 - 11:57

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Trending di SOSIÁL