Lafaek News–Xefe Estadu Maior Jenerál Falintil Forsa Defeza Timor-Leste (F-FDTL), Brigadeiru Jenerál, Calisto Santos Coliati, realiza enkontru enkontru anual ho parseiru husi Repúblika Komunitária Indonézia atu servisu hamutuk hametin estabilidade iha setor terrestre .
Ida ne’e enkontru anual entre Timor-Leste ho Tentara Nasional Indonesia (TNI), partikularmente ho forsa terrestre objetivu enkontru ne’e atu koperasaun bilateral iha area defeza entre Timor Leste ho indonézia hodi garante estabilidade iha parte Seguransa,” dehan Coliati ba jornalista liu husi press komferensia iha Kurter Geral F-FDTL Fatuhada Dili, Sesta 08/10/2021.
Coliati esplika, area ne’ebé sira presiza halo diskusaun mak primeiru kona-ba rekursu umanus oinsá parte indonézia bele ajuda Forsa Defeza Timor-Leste halo formasaun iha area oi-oin hanesan.
Area infantaria ne’ebé sei prepara ita nia offisiais husi parte ankatan darat Timor-Leste nian ba halo formasaun iha indonesia, area kavalaria, area altidaria ida nee ita hetan ona ajuda husi parte TNI ninia agora ita nia artidaria neen iha ona metinaru,” Coliati argumenta.
Hodi dehan, Iha area saúde ninian importante tebes, tanba militar partisipa iha rai-laran no mos iha rejiaun ida ne’e, entaun oinsá Timor-Leste bele kontribui iha area saúde presiza halo preparativus tanba Indonézia prontu apoiu Timor-Leste, liu husi formasaun ba forsan armadas
Entretantu, rezultadu husi reuniaun ne’e forsa rua ne’e maka ko’alia liu kona-ba fronteira oinsá Tentara Nasionál Indonesia (TNI) ho Timor-Leste garante estabilidade entre rai rua Timor-Leste ho Indonézia.
Jornalista : Orlando Magno
Editór : Agapito de Deus
