Lafaek News–komunidade suku Rasa aldeia Rasa postu administrativu Lospalos-villa kontinua susra bee mós kada loron forma hafoin kuru bee ne’ebé mai oras rua kada loron.
La’ós ida ne’e de’it komunidade suku Rasa iha vila Lospalos mós sofre hasoru rai-rahun ne’ebé mai husi estrada protokolu Lospalos Dili ne’ebé kada loron transporte públiku provoka volume rai rahun sa’e makas hodi prejudika komunidade sira nia moris liu-liu labarik kiik oan sira sofre moras ISPA.
Komunidade aldeia Rasa suku Rasa Gil da Costa, hateten durante tinan 18 mak sira susar hetan bee mós iha suku Rasa ne’ebé iha kedas kapitál Munisípiu Lautém nian.
“Desde ita ukunan to agora be ne’e tun loron ida oras rua de’it kada loron, ami familia uma nain hira ne’ebé assesu ba bee mós ne’e tenke fahe jergen kuru be kada familia kada loron Luru jergen 20 de’it, ami uja ba tein no hemu de’it lable uja fase roupa no ba haris lable, tuku hitu dader ami tenke mai forma ona ho jergen hodi kuru bee ne’ebé mai husi suku tuku sia bee naran fali ona, iha ne’e ami sofre mós estrada rai rahun makas no halo ami mear no inus metin,’’ Xefe aldeia hatoo asuntu ba jornalista iha kna’ar fatin aldeia Rasa foin lalais ne’e,
Sorin seluk xefe suku rasa Armindo benezato Hateten iha tempu bailoro ne’e iha suku rasa komunidade sira susar ba be mós, ami iha ona planu tinan oin atu hadia tan ne’e mós ne’e ba komunidade sira.
“Iha suku ne’e iha aldeia tolu, ami hatama ona planu ho pnds atu hadia fila fali bee mós ne’e ba komunidade sira iha suku ne’e aldeia tolu ne’e susar duni atu hetan bee mós,’’ katak xefe suku Rasa ne’e.
Jornalista : CE. Lautém
Editór : Agapito de Deus
