Lafaek News—Chefe Estadu Major Jeneral F-FDTL , Falur Rate Laek, apresia servisu Polísia Nasionál Timor Leste, ne’ebé durante tinan ida Servisu hamutuk ho F-FDTL hodi fo seguransa ba atividade seguransa tomak la’o ho susesu inklui hetan apresiasaun husi parseiru dezenvolvimentu iha Timor Leste no internasional.
“Obrigado ba PNTL ba ita nia servisu hamutuk ne’ebé hetan apresiasaun hosi parseiro sira iha tinan ida ne’e, maibé ba ha’u ne’e dezafiu ida atu motiva ita atu servisu hamutuk di’ak liután iha tinan oin mai, Falur Rate Laek esplika hafoin selebra Natál hamutuk ho funsionárius hotu iha, iha kampu Ministério Defeza Fatuhada Dili.
Situasaun iha serimonia natal hamutuk ne’e halo iha udan laran, maibé hetan partisipasaun hosi parseiru dezenvolvimentu hosi Austrália, Portugál, Indonézia, China no Amérika, inklui segundu Komandante PNTL Pedro Belo ho nia espoza, Ministru Defeza, Pedro Klamar Fuik no komandante hosi komponente Naval komponente Terestre Baucau Sentru Formasaun Metinaro, inklui familia F-FDTL sira.
Observasaun Lafaek News, iha ámbitu selebrasaun Natal Hamutuk iha kampu Kuartel Jeral Fatuhada ne’e, militár sira dada sortéu hodi manan prezente natal nian hanesan televizaun, zelera bisikleta ,Telemovel no mákina fase ropa.
Jornalista : Acacio Pinto
Editor : Agapito de Deus
