Lafaek News—Cámara Comérsiu no Indústria Timor Leste (CCI-TL) tersa (07/01/2025) ofisialmente asina akordu ho emprezáriu lokál 12 ho objetivu dezenvolve natar hekatres 28 hodi hasa’e kuantidade rekursu alimentasaun rai-laran.
Hafoin remata asina akordu ho emprezas local 12 ne’e, Prezedente CCI-TL Jorge Serano esklarese atu dezenvolve natar iha baze labele depende de’it ba emprezas boot sira, maibé emprezáriu kiik sira mos iha kapasidade bele dezenvolve natar atu bele garante sustentabilidade iha rai-laran.
“Hanoin ita balu iha ona esprensia natar, ita agora ne’e halo natar de’it sai ba fos maibe’ peska ita bo’ot sira halo hetan ona rezultadu, ita bo’ot sira koñese too agora ita hakarak tama diretamente ba investimentu hahu buat kiik ne’ebé imi halo, ita mos sei ajuda malu, la husik imi la’o mesak kontratu atu dehan de’it katak ami atu fo adubus fini, ita hakarak buat hotu dezenvolve, programa ne’e inportante tebes, tanba ita ko’alia imprezas labele haree de’it ba imprezas bo’ot Sira, tenki haree kiik mikros sira, ne’e mak fo moris ba sustentablidade Nasaun ida ne’e, ita haree konvite iha mundu Impreza bo’ot sira ne’e palavras hakmatek, más kiik oan sira aguenta, sira produsaun la’o nafatin ita hakarak ho polítika ida ne’e ho esperensia ida hakarak ka’er polítika ida di’ak,” Prezidente CCI-TL Jorge Serano iha Diskursu hafoin remata asina akordu ho emprezas local 12 iha edifísiu CCI-TL Akait Dili, tersa semana ne’e.
Iha fatin hanesan,Vise Prezidente CCI-TL, Rui Manuel Castro, haktuir dezenvolvimentu setor agrikultura iha parte hasa’e kuantidade soberania alimentasaun kuaze la’o tinan 4 ona, iha munisípiu 5 kompostu husi Maliana, Vikeke, Manufahi, Baucau no Lautem, tan ne’e akordu ne’ebé CCI-TL selebra ona ho emprezas kiik sira hahú ohin kontinua tuun baze hodi kontinua atividade normal.
“Primeru programa ida ne’ebe ita kontinuasaun, ami la’o besik ona tinan 4 ou liu agora iha ona relatóriu finál ne’ebe sei aprezenta ba públiku iha fulan oin, no ohin ita asina kontratu ho kompania lolos ne’e 28, maibé kompania 12 de’it, atu dezenvolve natar hekatres 28, iha Munisípiu 5, Bobonaru, Manufahi, Baucau Vikeke no Lautem, tuir mai se’i iha tan Oe-Cusse iha Fulan ida nia laran .
Nune mos Nia submete tan katak kada hektares ne’e iha1.886, no CCI TL sei tarjetu ba Impreza sira ne’ebe ho minimal porsentu 50.
Jornalista Magan : Maria José
Editor : Agapito de Deus