Lafaek News—Reprezentante United Nations International Children’s Emergency Fund (UNICEF), Scott Whoolery, hateten adolesente no foinsa’e iha Timor-Leste pursentu 80, sente pandemia COVID-19 no muda sira nia moris liu husi interasaun sosiál no fase liman.
Asuntu ne’e relata bazeia ba bazeia ba peskiza online husi Fundu Nasoens Unidas ba Labarik (UNICEF) haktuir iha komunikandu imprensa katak, adolesente no foinsa’e iha Timor-Leste pursentu 80 konsege muda sira nia moris liu husi ezijénsia covid-19.
Reprezentante UNICEF IHa Timor Leste, Scott Whoolery. Imajen Sandy LN.
“Peskiza ne’e halo husi Komisaun Direitu Labarik (KDL) hamutuk ho Fundu Nasoens Unidas ba Labarik (UNICEF) no hala’o hodi buka hatene oinsá adolesente no foinsa’e sira sente pandemia COVID-19 ne’e muda duni ona sira nia moris, no sujestaun saida mak sira iha ba sira-nia futuru,” Esplika Reprezentante UNICEF, Scott Whoolery, ba jornalista sira iha Xanana Reading Room, Largo Lecidere, Kinta (4/03/2021)
Nia hatutan, tuir dadus Respondente 400 Liu ho idade entre tinan 10 no 24 hatan ona ba peskiza online ne’e respondente sura mai husi munisípiu 13, ho pursentu 51 husi Dili feto sira hamutuk pursentu Respondente pursentu 7 moris ho difisiénsia no peskiza online kompleta ho intervista Iiu husi telemovel atu respondente balu netan asesu limitadu ba internet
“Respondente, barak Iiu selesionadu husi ‘kuran asesu ba edukasaun’ nu’udar mudansa bo’ot ba sira-nia moris tanba pandemia COVID-19, tuir kedas ho fase liman ho limpeza, interasaun sosiál uituan, rendimentu kuran,’ no iha tempu barak ho familia no amigu sira,’ hanesan mudansa seluk sira ba sira-nia moris,” esplika nia.
Tuir nia reprezentante UNICEF iha Timor Leste, respondénsia estudante hamutuk pursentu 85, maioria husi universidade no eskola sekundária, no hateten sira saudade loos ba eskola, respondente pursentu 39, difisiI fila-fali ba eskola, no barak liu mak sira ho difisiénsia
“Labarik ida-idak iha direitu atu espresa livremente sira-nia vizaun no hola parte iha prosesu foti desizaun mak afeta sira-nia moris, nune’e, ita hakarak garante katak adolsente no foinsa’e mak reprezenta husi populasaun Timor-Leste involve signifikamente no partisipa iha dezenvolvimentu no implementasaun politíka sira tenke iha asentu ida iha meza atu bele re-imajina hamutuk mundu ida ba ema foinsa’e hotu no kontinua enfrenta pandemia COVID-19 hamutuk,” Scott Whoolery argumenta.
Iha fatin hanesan, Diretora Jerál Komisaun Direitu Labarik (KDL), Teresa Maria Freitas, haktuir objetivu enkontru loron ohin nian atu rona no hatene didi’ak oinsá papél joventude nian iha direitu ba partisipasaun idea ruma liga ho prevensaun liga ho dadus peskiza ne’ebé iha maske Ida-ne’e la foti jeneralidade, maibé iha sampel balu ne’ebé bele ko’alia ona oinsá papél joven ninian liga ba prevensaun covid-19.
“Ita hakarak rona asegura joventude sira liu-liu alin sira, difisiente sira oinsá bele inkopora iha prosesu korespondente ninian liga ba survey ne’ebé máka husi liña ministérial sira halo ba surtu covid ninian,” katak diretora KDL ne’e.
Jornalista : Sandi Belo
Asisten Editór : Egidio Nono
