Lafaek News—Governu Xina liu husi Embaxada iha Timor-Leste apoiu maskara hamatuk rihun 40 ba iha Ministériu Administrasaun Estatál (MAE) hodi oferese ba populasaun munisípiu Kovalima hodi prevene transmisaun lokal surtu COVID-19.
Embaixador Xina iha Timor Leste, Xiao Jianguo’s.
“Ohin Embaixada Xina fó Maskra hamutuk rihun 40 ba iha Munisípiu Kovalima liuhusi Ministériu Administrasaun Estatál,” Esplika Embaxadór Xina iiha Timor-Leste, Xiao Jianguo’s, ba jornalista sira iha Embaxada Xina, Pantai Kelapa, Kinta (4/03/2021)
Xefe diplamata ne’e haktuir, nia parte hein katak ho apoiu ne’ebé governu Xina oferese bele halo buat ruma importante atu bele prevene Pandemia COVID-19 iha Timor-leste no Pedidu ida-ne’e husu husi Ministériu Administrasaun Estatál (MAE), ba iha embaixada Xina no hetan kedas resposta.
Iha fatin hanesan, Vise-Ministru Administrasaun Estatál, Lino de Jesus Torezão, hatete governu Xina iha interese duni atu ajuda Timor prevene transmisaun lokál, no populasaun sira iha Kovalima mós interesadu duni atu simu apoiu ba COVID-19 ne’e atu bele defende sira nia an husi moras refere.
“Moras Transmisaun lokál ba COVID-19 ne’e importa husi Indonezia mak mai, tanba ita tenki eduka ita nia komunidade sira atu uza Maskra, Fase liman bebeik no tenki kumpri regra husi Organizasaun Mundiál Saúde (OMS) nian,” tenik nia
Enkuantu tuir planu maskra rihun 40 ne’e sei transporta ba iha Kovalima, maibé iha de’it Kondutór ho nia ajudante ida mak sei hodi maskra ne’e ba iha Munisípiu Kovalima
Enkuantu, Administradór Interinu Munisípiu Kovalima, Francisco de Andrade, hatete ajuda ne’e signifika governu Xina hadomi duni Timor-Leste, agradese tanba iha situasaun ida hanesan ne’e populasaun Kovalima bele hetan apoiu Maskara husi governu Xina liu husi nia embaixada.
“Apoiu sira ne’ebe mak embaixada Xina fó ami sei hodi liu ba iha ami nia komunidade sira iha Kovalima,” hakotu nia
Jornalista : Sandi Belo
Asisten Editór : Egidio Nono
