Lafaek News—Sekrataria Estadu Formsaun Profisionál no Empregu ( SEFOPE), Alarico do Rosario, informa traballadór Timor-oan ne’ebé servisu illegal iha Korea hetan deportasaun mai Timor Leste, sei labele hetan tan oportunidade ba daruak tanba la kumpre regulamentu ne’ebé estadu rai rua estabelese.
“Ema nia regras ne’e kaer kona hetan deportasi fila mai timor, sira mòs sei la ba tan Korea, Tan ne’e adidu mòs servisu iha ne’eba atu Koopera, iha tinan kotuk nia rezuldatu 101, hamutuk ho mate isin ne’ebè mak mai ona Timor,” Informa, Alarico do Rosario, ba Jornalista sira iha Kaikoli hafoin remata sorumtu ho Embaixadòr Korea, kinta (04/03/21).
Alarico esklarese katak, tuir lo-loos governu nasaun rua Timor-Leste ho Korea atu trata no haruka sira fila mai Timor, maibe haree ba situasaun mundial lockdown hotu, tanba sira la kumpre regras husi rai rua ne’e.
“Kuandu ita halo bei-beik hanesan ne’e buat ida Impaktu mak ne’e, kuandu ajénsia haruka ba mak ita halai de’it, entaun dehan Timor-Leste ami lakohi ona, ami hakarak foti fali husi seluk, entaun ida ne’e ita nia kuota tun, se kuandu ajénsia dehan Timor-Leste servisu di’ak, entaun ida ne’e mak dehan ita nia kuota ne’e aumenta,” haktuir Alarico.
Entretantu traballdor Timor-oan ne’ebè servisu illegal iha Korea hamutuk atus 4 resin, maibè tuir planu atu haruka Timor-oan ba servisu iha Korea iha tinan ida ne’e hamutuk rihun rua resin, maibè ida de’it mòs seidauk ba tanba Lockdown.
Jornalista : João da Costa Soares
Editora : Nelya Barros
