Lafaek News—Estundante Universidade Nasionál Timor Loro sa’e (UNTL), na’in tolu husi munisípiu Ermera hela kost parte Suku Manleuana postu administrativu Don Aleixo, munisípiu Dili, laiha foos atu han osan selu kost.
Estudante UNTL ne’e hatudu hela foos iha toples laran ne’ebe mamuk, iha kost Manleuana. imajen Acacio Pinto.
Da-daun estudante nain tolu iha de’it foos lata ida maka iha hela toples laran, sente laran taridu no hanoin la hetan ona atu haan foos lata ida ne’e too semana ida ,no osan laiha atu selu uma kost ne’ebé aluga hodi hela ba eskola inklui sosa pulsa hodi asesu estudu liu husi online.
“Difikuldade ne’ebé ami hasoru agora mak hahán laiha, ami nia foos la too semana ona, osan ba selu kost no sosa pulsa asesu online escola nian mos laiha ona” dehan Estudante Jaime de Jesus assuncão Soares ba Lafek News, Kinta semana ne’e.
Reprezentante estudante nain tolu, ne’e haktuir tan sira na’in tolu hela iha kost iha suku Manleuana aldeia Laulora kuaze tinan rua, kada fulan selu kost ho montante $ 100 (dolar atus ida), ho lian nakdedar hodi hirus tanba saida mak governu kontinua taka dalan la ho razaun fundamental.
Estudante nain tolu estudu iha UNTL no husi aldeia ida de’it, aldeia Olopana, suku Eraulo, postu administrativu Letefoho, munisípiu Ermera, estudu iha UNTL, Jaime de Jesus Assuncão Soares, fakuldade Siéndias Sosiais Departamentu Dezenvolvimentu Komunitáriu no Incluzaun Komunitáriu Sosiál, Juvinal de Deus Maia, fakuldade Siénsia Sociais Departamentu Dezenvolvimentu Komunitáriu, no Juvito de Jesus da Conceição, hosi munisípio Ermera Posto Administrativo Lete Foho Suku Eraulo Aldeia Olopana, Eskola iha UNTL fakuldade Enjeñaria, Siénsia e Teknolójia Departamentu Eletrónika.
Jornalista : Acacio Pinto
Editora : Nelya Barros
