Estudante UNTL, defisiensia Mateus Loco Soares, hatudu hela nia ain ne’ebe kondisaun fiziku ne’ebe nia hasoru, imajen Acacio Pinto.
Lafaek News—Estudante ho kondisaun defisiénsia husi Univesidade Nasionál Timor Leste (UNTL), Departamentu Dezenvolimentu Komunitária (DDK), Mateus Loco Soares, presiza osan urjénsia atu selu kost no sosa hahán hodi han tahan too serka sanitáriu remata.
“Problema ne’ebé ha’u hasoru agora mak família sira iha foho la manda ona osan mai foin da-dun loron 15 kost nain haruka ha’u selu ona, maibé ha’u laiha ona no hahán mos laiha ona ha’u presiza governu nia tulun,” lian ho halerik husi defisiensia fíziku, Mateus Loco Soares ba lafaek News iha Tasi tolu suku Komoro, tersa (32/03/2021).
Defisiénsia ne’e fundamenta katak ligadu ho situasaun serka sanitária ne’ebé dalan taka hotu família sira labele mai entaun foin da-daun nia halo ona surat hatama-
Defisiensia Mateus hatudu foos iha saka ne’ebe falta de’it ona lata SGM nian rua. imajen Acacio Pinto.
ba iha SIJK atu hetan autoizasaun ba foho, maibé too agora laiha kontaktu husi SIJK ne’e rasik.
“ Ha’u hatama ona surat iha CCD atu ba foho simu osan mai selu kost ho sosa hahán, maibe dehan hein de’it kontaktu ha’u maibe too agora sira seidauk kontaktu ha’u,entaun agora ha’u araska ona ba alimentasaun,” Mateus ko’alia.
Estudante ne’e dehan, husu governu atu ajuda urjénsia liu husi mekanizmu ida loke dalan ba nia bele ba na munisípiu hodi simu osan hosi nia inan-aman atu bele lori mai Dili selu kost, tanba kost nain husu ona osan kost nian, maibé defisiénsia ne’e osan laiha ona.
“Kost nia selu kada fulan $.40, lo-los ha’u selu iha loron 15 ba kotuk, maibe osan la mai ha’u husu kost nain muda fali ba dia 2 mak selu, entaun dia 2 mak dalan taka nafatin entaun fulan rua ha’u la selu kost tan fali ona, tanba agora ha’u mos eskola liu husi Online, maibe osan laiha ohin ha’u deve ona ema nia osan 1 dolar hodi sosa pulsa asesu internet hodi tuir materia eskola nian,” katak Mateus.
Entretantu, defisiensia Mateus Loco Soares husi orijanlidade husi aldeia Leodato, suku Leimea Sorin-Balu, postu administrativu Hatulia, munisipiu Ermera, no nia kondisaun defisiensia hahu afeta iha tinan 2017 too ohin loron.
Jornalista : Acacio Pinto
Editora : Nelya Barros
