Lafaek News—Estudante husi Universidade Oriental Timor Loro-sae (UNITAL) husi fakuldade Elektrónika kria rasik mákina hamis batar kulit sai hanesan traballu ikus hodi hetan grau lisensiatura iha nivel ensinu superior.
“mákina hamoos batar kulit ida ne’e ami halo atu kompleta ami nia estudu hodi ami bele hetan grau lisensuatura iha ami nia universidade, por enkuantu sai mos ami nia traballu ikus ida ba ami hodi oferese ba parte universidade” dehan Bonifasiu Onori Pirez Pereira, ba Lafaek News, iha Becora Bekusi, (19/01/2021)
Tuir nian, la fasil hodi junta besi ba malu atu bele sai ba mákina ida, maibé ho espiritu no vontade ne’ebé boot bele dudu nia too finaliza servisu ida ne’e.
“mákina dulas batar ida ne’e ami nain rua mak servisu hamutuk mak too ohin loron, ate que, durasaun fulan tolu resin kleur ituan tamba nia pessa hirak ne’e ami tenke ba hola iha indonesia mak mai monta no orsamentu ne’ebé ami gasta ba iha mákina ida ne’e kuaze $.600.00,” dehan estudante finalist ne’e.
nia haktuir, inisiativa hatudu rezultadu produs mákina konsege hamos batar kulit ho di’ak inklui iha kapasidede ne’ebé di’ak bele hamos batar kulit ho volume ne’ebé boot ho oras ne’ebé lais.
“kapasidade mákina ida ne’e hau garante di’ak tamba nia bele dulas hamoos batar kulit ho volume ne’ebé boot maibé nia durasaun tempu ne’e lais, no tuir planu ami sei produz tan atu nune’e ami bele halo promosaun ba ita nia publiku sira,” afirma nia.
Jornalista : Anselmo Monteiro
Editora : Nelya Barros
