Manufahi-(Lafaek News)—Ema deskoñesidu lori kilatt tiru mate karau vaka ne’ebé hakiak besik iha komunidade konventu Franciscano nian iha Akadiru-Oan suku Dotik postu administrativu Alas, munisípiu Manufahi.
Karau hirak ne’e hetan apoiu husi Sentru Produsaun Animal ba komunidade iha suku Dotik, maibé ema (la koñese) utiliza kilat estadu nian hodi tiru mate animal hirak ne’e.
Iha intervista ho Bruder Simão Nono husi kongresaun Franciscano, hateten liu husi whatshap katak, karau hirak ne’e mate tanba ema deskoñesidu lori kilat boot tiru maite komunidade nia animal iha ne’ebé hakiak besik area konventu Franciscano nian iha loron kinta (14/01/2021), kalan oras tuku 12 OTL, no akontesementu ne’e konsegue hamate karau vaka 3 no rua ema kasadór lori liu no ida hetan fali iha dadeersan.
“Iha sestaa dadeer (15/01/2021) ha’u ho komunidade ida hanesan karau atan ba identifika kedan fatin akontesementu ne’ebé ema deskoñesidu sira tiru karau ne’e no ami konsegue hetan duni karau vaka ne’ebé maka kasador sira no la konsegue lori hodi ha’u rasik hasai foto hodi tau iha medsos, maibé antes iha kalan ne’e ami rona kilat boot tarutu makas hanesan fali iha 1975 nian entaun ha’u rasik telefone kedan ba autoriedade lokal suku Dotik no mos parte seguransa nian hanesan eskuadra postu Alas hodi fo hatene katak ema balun kasa lori kilat boot tarutu hodi hatauk mos komunidade sira,” Bruder Simon Nono haktuir iha whatshap ne’e.
Nia hatutan, iha akontesementu ne’e ekipa husi ministériu interior, sábadu (16/02/2021) marka presenja no ho komandu Forsa Komponente Naval hasoru direita Bruder simon, hodi justifika lo-loos kazu akontesimentu refere.
Tuir nia katak ema tiru kilat tarutu ne’e la’os foin akontese, maibé sempre akontese hela de’it, dala ruma kasa sarani sira nia animal ne’ebé hakiak iha luhan no balun kesi hela derepenti hadeer mai ran mak barak hela no karau ten mak iha hela luhan laran.
“Iha nasaun ida ne’e iha instituisaun rua maka bele uza arma ka kilat hodi sai seguransa, maibé kilat más ema deskoñesidu maka kaer kilat boot hotu hodu estraga komunidade nia animal ne’e oinsá ? Parte seguransa iha ne’ebé? no ikus husu parte autoriedade lokal sira no mos seguranaa labele autoriza ema deskoñesidu mai oho animal arbiru.”Nia rekomenda.
Entretantu parte autoriedade seguransa PNTL ho mos F-FDTL komponente naval postu Betano serbisu hamutuk ho komunidade hodi buka tuir no parte PNTL Manufahi oras ne’e halo konfirma ho fontes kredivel balun hodi justifika lo-loos kazu ne’e bainhira komunidade sira hetan ema deskoñesidu ba kasa iha area refere karik tenki fo hatene ba parte autoriedade seguransa husi instituisaun F-FDTL ho PNTL.
Jornalista : Manuel Andrade
Editora : Nelya Barros
