Lautém-(Lafaek News)—Administradór Munisípiu Lautém Domingos Savio, aletra ba populasaun Lautém atu mantein disiplina kumpri regra husi protokolu Ministériu Saúde atu kombate virus hadaet Covid-19 labele iha transmisaun lokál.
“Ha’u ba Dili ha’u liu mós husi postu polísia Laivai hodi hare mós kondisaun iha ne’ebá husu nafatin ba polísia iha baliza entre Baukau no Lospalos nian kontinua halo check oint hodi haruka ema uza máskara no fase liman,” Domingos Savio hatun lia ne’e ba lafaek news iha kna’ar fatin foin lalais.
Domingos dehan, nia parte fó ona orientasaun ba doretór eskola sira iha Lautém, ligadu ho regra hirak ne’ebé fó sai husi protokolu Ministériu Saúde no Organizasaun Munidál Saúde nian atu kumpre fase liman kada oras, uza maskara no distansiamentu fíziku.
“Ha’u orientál ona ba durectur da eskola sira realsiona ho eskola ne’ebé hahú fila fali atu kumpri nafatin ba protokolu iha eskola sira hodi prevene moras covid19, Save inportante mak ema hotu tenke disiplina uja maskara, fase liman beibeik distansia sosial ita sei bele konbate covid 19 no laiha tarsminisaun lokál iha Munisípiu ne’e,” katak administradór Lautém ne’e.
Jornalista : CE Lautem
Editora : Nelya Barros
