Lautém-(Lafaek News)—Populasaun Suku tolu ne’ebe pertense ba iha alto laleno kompostu husi Mahina II, Baduro no serelau ezije governu atu hadia estrada diresaun ba suku Maina II, Baduro, no Serelau husu governu atu hadia Estrada atu agrikultor sira lori produtu lokál asesu iha merkadu.
“Estrada ida ne’e kuaze aat tebes no ami ezije ba governu liu husi Ministériu Obras Publika atu hare’e kondisaun estrada ida ne’e liu-liu ba ami suku tolu ne’e,” Dehan Xefe aldeia Ira-Pala, Gil Correia, ba Lafaek News, iha Suku Baduro (19/01/2021).
Estrada refere bele liga mos ba iha movimentasaun populasaun husi postu admunistrativu Luro, maibé kondisaun estrada grave afeta ba komunidade atu halo viajen ba iha suku sira seluk no lori produtu lokal sira ba iha merkadu.
Estrada ne’ebé grave kuaze kilo metro 15 iha ne’ebé tinan barak nia laran nafatin aat ba be-beik, antes ne’e kompaña balun mai halo ona survei iha fatin ne’e, maibe populasaun sira hein too ohin loron laiha rezultadu.
Iha fatin hanesan komunidade Maria da Costa, ezije ba governu atu hadia estrada diresaun refere tamba hare’e ba realidade kondisaun aat tebes.
“Nai ulun sira ne’e hare’e loke matan ba povu nia terus labele too eleisaun besik mak foin mai vizita hodi bosok povu atu manan simpatia liu husi ami nia votu maibe hili ita boot sira ba tur iha leten aas ba ne’e atu sai servidor ba povu tamba ne’e hau husu nafatin atu hare’e mos ba ami nia problma estrada ida ne’e ami suku tolu ne’e nia populasaun hamutuk rihun ida resin mak asesu ba iha estrada ida ne’e,” Tenik Maria.
Jornalista : Anselmo Monteiro
Editora : Nelya Barros
