Lafaek News—Estudante finalista husi fakuldade Enjenaria, Universidade Oriental Timor Lorosa’e (UNITAL) na’in ualu-nulu resin ida (81) kompostu husi departamentu hitu (7) partisipa serimonia judisium ba dala-IX.
Iha serimonia judisium ne’e, dekanu fakuldade enjenaria, Juvinal Ximenes Guterres, husu ba finalista sira tenke prepara a’an didi’ak hodi kompete iha kampu traballu, no teoria ne’ebé durante aprende tempu to’o ona tenke implementa iha sosiedade nia le’et.
“Ha’u fiar katak estudante na’in 81 ne’ebé mak ohin tuir judiusium, sei implementa saida mak durante tinan 4 nia laran aprende sei la saugati,” dehan dekanu fakuldade enjenaria, Juvinal Ximenes Guterres ba lafaek news iha salaun unital kuarta (24/11/2021).
Nune’e mos nia relata, total rekursu umanu ne’ebé fakuldade enjenaria rasik produz hamutuk atus ualu ona no maoria maka hetan ona serbisu.
Iha fatin hanesan finalista husi departamentu geolojia, Juvensio dos Santos, dehan, loron ohin la’os loron ba susesu maibé loron atu termina grau lisensiatura, kona-ba siensia laiha finalidade tanba ne’e esperiensia ne’ebé durante hetan sai valor boot tebes, no kontinua luta hodi kompete iha kampu traballu no implementa iha komunidade, aldeia, suku ba postu administrivu no mós munisipiu.
“Ha’u hanoin kona-bá kompete iha kampu servisu ha’u la iha duvida, tanbá ema bele lahanesan, maibé siensia ida de’it, la iha siknifikasaun ne’ebé sikat le’et, ho rajaun ida ne’e ha’u fiar atu implementa esperensia ne’ebé mak ha’u iha hodi pratika iha kampu servisu,” dehan finalista Juvensio.
Entretantu finalista na’in 81 ne’ebé tuir judisium ba dala-IX ne’e kompostu husi deparatmentu 7 maka hanesan departamentu enjenaria informatika no komputasaun, konstrusaun sivil, eletroniku, petroleo, geolojia, minas área konsentrasau, minas ambiental.
SFLN : Benvida da Costa
Asisten Editór : Pedro de Almeida
