Lautém-(Lafaek News)—Estudantes na’in 80 husi Eskola CAFE Lospalos hamutuk ho membru PNTL nain 20 sei sai nu’udar korpu isar bandeira nasionál iha komemorasaun 28 de Novembru ba dala 45.

Komandante PNTL Munisípiu Lautém  superintendente polísia, António Rego Fernandes, ba jornalista sira iha nia kna’ar fatin kuarta feira ne’e, hateten  PNTL munisípiu ne’e fo ona treinamentu ba eskola CAFE Lospalos durante semana ida ona no komandu PNTL hili ona membru PNTL nain 20 akompañia bandeira nasionál ba tinan ne’e.

“Agora da-daun komandu PNTL fo hela trenamentu ba eskola CAFE no responsabliza ba hasae Bandeira nasionál no akompania husi membru PNTL, semana ida liu ona mak komandu PNTL fo trenamentu ba estudante hamutuk 80 ne’e iha kampu kuartel PNTL Lautem, ida ne’ebé lori Bandeira nasionál ne’e husi duni estudante CAFE Lospalos no PNTL sei akompania ho armas iha hase no hatun Bandeira nasional, preparsaun durante ne’e komandu PNTL halo ho estudante sira too ona 75%, tanba ne’e estudante no membru PNTL hirak ne’e prontu ona atu hasae no hatun Bandeira nasionál,” dehan komandante PNTL Lautém ba jornalista iha kuarta semana ne’e,

Sorin seluk komandante ne’e akresenta sei garantia seguransa ba loron boot 28 Novembru iha munisípiu Lautém sira mós sei tuir hamutuk hodi haree ferias ne’ebé governu lokál planea halo hahú husi 20-30 Novembru hodi komemora loron nasionál 28 Novembru.

Jornalista    : Elidio Castro

Editora        : Nelya Barros