Lafaek News—Ligadu ho kondisaun Ministru Finansas (MF), Fernando Hanjam nia saúde ne’ebé seidauk rekupera, Primeiru Ministru Taur Matan Ruak, Prezidente Repúblika Francisco Guterres Lú Olo no Sekretariu Jeral Fretilin Mari Alkatiri, fó konfiansa ba Rui Gomes Asumi kna’ar Ministru Finansas (MF) sei simu pose iha segunda feira, 23/11/2020.
“Ha’u mai enkontru primeiru ministru kona-bá serimonia Tomada de Posse, felismente ita bo’ot sira hatene katak ita nia ministru finansas Fernando Hajam, tanba saúde nia lakonsege kontinua nia kna’ar tanba ne’e iha konfiansa husi primeiru ministru no prezidente republika, no mós Dr. Mari Alkateri sekretariu jeral FRETILIN, eskoilla ha’u atu asumi kargu ministru finansas, prontu ba paises ida ne’e no povu, ba ita nia ekonomia, sempre prontu,” dehan Rui Gomes ba jornalista sira hafoin enkontru ho Taur Matan Ruak, iha palasiu governu, kuarta, (18/11/2020).
Nia fundamenta, konserteza prioridade maka planu oitavu governu nian, planu ne’e atu hadia jestaun finanseiru públiku haree husi diversifikasaun finanseira, husi parte despezas, reseitas aprovizionamentu nian no sistema finaseiru.
Enkuantu nia hateten, kona-bá orsamentu nia parte seidauk bele ko’alia tanba sei diskute no rona husi vise ministra finansas no diretores sira hafoin fó komemtáriu.
“Ha’u sei seidauk hare’e orsamentu ida ne’e, la’os ha’u maka prepara, agora tempu para ha’u tama lai presija mós diskute no rona husi vise ministra no diretores sira, depois maka ita sei koalia, maibe emprinsipiu segunda agora tomada de posee,” dehan nia.
Jornalista : Pedro de Almeida
Editora : Nelya Barros
