Lafaek News—Ministru Transportes Komunikasun (MTK), José Agustinho da Silva, informa konstrusaun ba ró nakroman II iha XIna ho kapasidade boot liu tanba hetan ajuda millaun $.7.000 husi governu Alemaña no governu Timor Leste investe millaun $. 14,18, ró ne’e atu konkretiza ligasaun tasi parte Norte ho Sul.
“Ha’u hanoin kondisaun maka ne’e detallus eskritamente ha’u relata ba primeiru ministru, polítika ida ne’e atu konkretiza ligasaun liña marítima parte Norte no Sul,” dehan MTK,, José Agostinho da Silva, ba jornalista sira hafoin sorumutu ho PM Taur Matan Ruak iha palasiu governu, kuarta, (18/11/2020).
José dehan, Orsamentu ba konstrusaun ró ne’e, husi orsamentu kontra partida ne’e povu ho governu Alemaña no mós governu Timor Leste, Ro ahi Berlin Nakroma II konstrui hela iha Xina, nia kondisaun ho kapasidade ninia naruk metru no luan inklui atu tula passajeirus hira, ho tripulante no mós tula karbus toneladas hira ne’e liu ro ahi nakroma ida atual.
“Ninia progresu ha’u seidauk hare’e númeru serteza kona-ba atinje persentajen hira, klaru katak parte pagamentu governu Alemaña sira kumpre nia dever, no agora parte governu Timor Leste ninian ne’e ha’u hanoin ninia progressu ne’e siginifikante,” tenik nia.
Ministru esplika, klaru katak kapasidade Ro ahi Nakroma II bo’ot liu fali ró nakroman ohin loron, entermus medida naruk no luan diferente ho ida agora, tuir mai nia kapasidade tula pasajeirus mós liu no karbo mós liu, iha tan espasu ida, kuandu sidadaun sira hetan dezastre, iha espasu ba mortuáriu fasilita atu tula.
Jornalista : Pedro de Almeida
Editora : Nelya Barros
