Lafaek News—Koordenadór forsas tarefas ba prevensaun no mitigasaun surtu covid-19 iha Timor-leste, Rui Maria de Araújo, informa liu husi komunikadu imprensa ohin kinta (26/08), Ministériu Saúde rejista tan ema na’in haat mate ho Covid-19 iha Timor Leste, inklui ida vasina doze kompletu, kazu foun hamutuk 307.
“Total óbitu ne’ebé relata ohin, 26 de Agostu 2021 hamutuk ema na’in 4 (haat), tolu sedauk vasina no ida vasina doze kompletu,” hatete koordenadór forsas tarefas ba prevensaun no mitigasaun surtu covid-19 iha Timor-leste, Rui Maria de Araújo, iha komunikadu imprensa ne’ebé lafaeknews asesu iha loron kinta (26/08/2021).
Koordenador hatete, feto, idade 65, Timoroan, hela iha Dili, seidauk vasina, iha 24 de Agostu de 2021 diagnóstikadu sindroma insufisiénsia respiratória aguda (SIRA) tan bá Covid-19, no hahú halo tratamento iha Vera Cruz, iha loron ne’e kedas. Matebian iha mós istória sofre moras tuberkuloze, hipertensaun & diabetes. Ohin dader 03h30 matebian i’is-kotu.
Nune’e mós mane, idade 69, Timoroan, hela iha Dili, simu ona vasina doze kompletu, iha 23 de Agostu de 2021 diagnóstikadu sindroma insufisiénsia respiratória aguda (SIRA) tan bá Covid-19, no hahú halo tratamento iha Lahane, iha loron ne’e kedas. Matebian iha mós istória stroke hemorájiku. Ohin dader 04h30 matebian i’is-kotu
Iha mane, idade tinan 69, Timoroan, hela iha Dili, seiduak simu vasina, iha 26 de Agostu de 2021 diagnóstikadu sindroma insufisiénsia respiratória aguda (SIRA) tan bá Covid-19, no hahú hala’o tratamento iha HNGV, iha loron ne’e kedas. Ohin dader 02h00 matebian i’is-kotu.
Alende ne’e mós mane, idade 23, Timoroan, hela iha Viqueque, seiduak simu vasina, iha 25 de Agostu de 2021 diagnóstikadu sindroma insufisiénsia respiratória aguda (SIRA) tan bá Covid-19. Ohin dader atu transfere mai Vera Cruz liu husi ambulánsia área, maibé metebian i’is-kotu tuku 10h45 dader, ida dalan ba aeroportu Viqueque. Matebian iha mós istória sofre moras tuberkuloze.
“Familia kordena hela ho ekipa saúde sira atu hala’o funeral tuir protokolu ne’ebé adopta iha Timor-Leste,” tenik nia.
Enkuantu Kazu detetatu foun ne’ebé relata ohin dia 26 de Agostu de 2021: 307 (iha Dili 243 & Baucau 30, & munisipiu seluk hamutuk 34), idade 60:13. Husi kazu foun ne’e 107 kazus ka 34,8% maka sintomátiku (hatudu sintomas), no iha 114 (37%) iha ona vasina kompletu & 21 (7%) hetan ona vasina doze dahuluk.
Entretantu kazu rekuperadu ne’ebé ralata ohin, dia 26 de Agostu 2021: 152 no total kazu ativu ohin hamutuk hotu 4.203. Total kazu konfirmadu kumulativu iha 26 de Agostu 2021 (sura husi 21 Marsu 2020): 15.603.
Jornalista : Sandi Belo
Asisten Editór : Pedro de Almeida
