Lafaek News–Sentru Formasaun Professional Dom Bosco Komoro, kinta (26/08/2021), atribui sertifikadu iha kursu area hitu kompostu husi soldura, kanalizasaun, karpintaria eletrisidade pedreiro, administrasaun no automotif ba finalistas hamutuk 142 hafoin tuir formasaun durante tinan ida nia laran.
Diretor Salesianu Komunidade de São Dom Bosco Comoro, Padre Hermenegildo Pereira SDB, iha nia diskursu hatoo parabens ba espesial ba finalista formasaun 142 ne’e tanba bele hakas an ikus mai bele simu sertifikadu iha kursu departamentu hitu.
“Ha’u hato lia fuan badak parabens ba alin hamutuk 142, tanba tinan 2020 la’os tinan fasil, hakas aan hodi simu sertifikadu iha tempu difisil ho simples de’it, Dom Bosco nia lia fuan hakarak tebes nia oan sira, sentru ida ne’e la’os kompre de’it orariu atu hetan sertifikadu, maibe hetan bonus oin-oin hodi aprende ho formador sira, ba imi ne’ebe mai partisipa gradusaun no la mai ha’u hatoo bom susesu ba ida idak tomak,” katak Diretor Salesianu Komunidade de São Dom Bosco Comoro, Padre Hermenegildo Pereira SDB.
Parte hanesan Diretor Escola serntru Formasaun Profesional Dom Bosco Komoro, Bruder Adriano SDB, hatutan, formandu sira durante aprende materia iha area konstrusaun jeral CC soldadura, karpintaria no seluk tan, sentru formasaun Dom Bosco tanba finalista sira hamutuk 142 ne’e seidauk hetan servisu.
“Ohin imi simu ona imi nia sertifikadu ami imi kontente, maibe ami sentru seidauk kontente tanba imi seidauk hetan servisu, maibe imi hetan ona servisu mak ami foin kontente ” dehan Diretor sentru formasaun Dom Bosco ne’e.
Rrepezentante estajiariu, Santiago Pereira, husi kursu automotif, espresa sente haksolok bele tuir formasaun ne’e too remata, maibe durante tinan ida nia laran karik hatudu atetude ruma la di’ak nia parte reprezenta sira hotu hodi husu deskulpa.
“Ami halo buat ruma la monu imi nia laran nudar ema ami husu Deskulpa “hau lori finalista sira nia naran husu obrigadu ba padre Dom Bosco ho formando hotu ne’ebe fahe nia matenek mai ami durante tinan ida,” Santiago hakotu.
Jornalista : Acacio Pinto
Editor : Agapito de Deus
