Lafaek News—Nesesidade ekonomia uma laran la sufisiente obriga Tito Guterres tenke para nia estudu iha eskola sekundaria munisípiu Baukau hodi buka fali moris liu husi fan nesesidade bázikas.
Tito haktuir ba lafaek news katak bainira nia para tiha eskola dalan di’ak mak tenke buka osan hodi apoiu fali nesesidade uma laran no ajuda fali osan uituan ba alin nain rua nia eskola, ida eskola iha Universidade Nasional Timor Loro sa’e (UNTL) departamentu Ingles semester II, no ida seluk eskola iha ensinu sekundaria UNAMET.
“Ha’u fa’an iha fatin ida ne’e la’os ha’u mesak mak fa’an iha fatin ida ne’e, maibé ema barak mos mai fa’an hotu iha fatin ne’e, loron ida ha’u hetan lukru $5 dollar bo’ot liu mak $15 dollar, ita nu’udar agrikultor nia oan no oan ki’ak, hetan $5 dollar mos agradese tan ita hetan netik osan uituan hodi sustenta ha’u nia moris, ha’u tenki buka rasik osan hodi sustenta ha’u nia familia, ha’u paradu ha’u nia estudu tan de’it economia la sufsiente.”Hateten Tito Guteres ba jornalista iha largo lecidere Dili, Tersa (23/08/2022)
Baukau-oan ne’e argumenta bainhira ema ida tuur de’it iha uma sei la hetan buat ruma no sentavus teb-tebes ida mos sei monu husi kalohan, bainhira halo servisu ida ho objetivu ba osan sei atinje duni objetivu ne’e, entaun halo negosiu kiik atu bele hetan netik osan uituan.
“Se ha’u tur de’it iha uma ha’u sei la hetan osan, liu husi dalan ida ne’e mak ha’u hodi hetan osan no sustenta ha’u nia familia, nia senti triste teb-tebes tanba nia hapara nia escolar,” haktuir Tito.
Tito dehan, negósiu mak dalan ne’ebé di’ak liu ona iha mundu ne’e, ohin loron ema barak sai patraun, tanba uluk sira sira halo negosiu kiik hanesan ne’e, ikus mai sira sai ema emprezariu boot, maibé labele tauk no moe, se moe mak osan mos moe no sei subar an husi ema.
Ha’u hili dalan negosiu ida ne’e di’ak tebes mai ha’u liu husi negosiu ki’ik hanesan ne’e mak ha’u hetan osan hodi sustenta ha’u nia familia.ho ida ne’e mak maske laran todan no triste tamba hakotu ha’u nia estudu maibé dalan ne’ebe uniku ba ha’u atu sustenta ha’u nia famlia mak ida ne’e.Nia hakotu
Estajiadu: Adolfina Soares
Editor : Agapito de Deus
