Lafaek News—Deskonfia serkuitu husi eletrisidade hamosu ahi han uma lulik ida iha Letelun suku estadu postu administrativu Ermera, munisípiu Ermera.
Kronolojia husi akontesimentu ne’e akontese iha loron kuarta ohin (22/08/2022) tuku 12:20 (meiudia), derepente ahi naboran sae hafoin uma nain no vizinu sira hakfodak, maibé la konsege salva sasan lulik iha uma ne’e nia laran.
Domingos Babo nudar jerasaun husi uma lulik ne’e haktuir ba lafaek news katak iha akontesimentu ne’e derepente de’it, seidauk hatene motivu husi sirkute ne’e, família ho uma nain deskonfia de’it, tanba iha uma laran laiha ema ida, odamatan taka metin.
Ami deskonfia de’it, tanba laiha ema ida mak iha uma laran, ha’u hanesan uma ne’e nia oan, ami hotu hkafodak ahi han ona uma, atu salva sasan iha uma laran, maibé salva la biban tanba ahi naboran maka, tanba ami mai haree de’it airin mak hamrik hela,” katak Domingos Babo ba lafaek news via whatsapp, tersa (24/08/2022).
Nia dehan, akontesimentu ne’e besik hela posto polisia Estado, no hatoo ona informasaun direta ona ba autoridade local suku estadu no Protesaun Sivil oinsá bele harii hikas uma foun iha fatin refere.
Uma ne’e nia oan iha fatin hotu-hotu hatene ona ahi han ami nia uma lisan ne’e,” katak Domingos
ikus liu, Domingos Babo husu ba estadu liu-liu Sekretariu Estadu Arte no Kultura (SEAK) atu bele ba observa direta akontesimentu ne’e hodi kolabora ho familia sira atu bele harii hikas fali uma lisan ne’e iha nia fatin.
Jornalista : Aniceto Dias
Editor : Agapito de Deus
