SAÚDE · 13 Mar 2021 11:48 ·

Ekipa Vijilánsia Deteta Kazu Pozitivu Covid-19 2 Iha Baukau, Evita Tama Sai Dili


Ekipa Vijilánsia Deteta Kazu Pozitivu Covid-19  2 Iha  Baukau, Evita Tama Sai Dili Perbesar

Lafaek News—Koordenadór forsa tarefas ba prevensaun no mitigasaun surtu Covid-19, Rui Maria de Araújo, informa, ekipa konjunta saúde iha munisipiu Baukau deteta kazu pozitivu Covid-19 na’in 2, iha Baukau.

“Ekipa konjunta saúde iha munisípiu Baukau, husi dia 10 de marsu no 11 de marsu foti 132 amostras, iha atividade buka tuir kontaktu besik husi kazu pozitivu sira iha Dili, iha atividade vijilánsia sentinela, no mós atividade rastreiu aleatóriu ba ema ne’ebé bá husi Dili iha dia 8 de Marsu, molok hahú serka sanitaria iha Dili. Husi amostra hirak ne’e     92 negativu, 37 máka sei hein rezultadu, no na’in 2 maka pozitivu,” dehan KFTPMS Covid-19, Rui Maria de Araújo, ba liu husi konferensia imprensa iha sala situasaun SIJK, CCD sabadu, (13/03/2021).

Koordenadór ne’e hatutan, sira na’in rua ne’ebé pozitivu ne’e, na’in 1 estudante medisina ne’ebé halo estájiu iha Hospital Referénsia Eduardo Ximenes Baukau, kazu detetadu ida ne’e, hela iha Dili, aldeia Monumentu Kalma, suku Lahane Oriental, postu-administrativu na’in feto, nia pozitivu tanba kontaktu besik ho profisionál saúde ne’ebé anunsia iha    dia 10.

Nune’e nia relata, pozitivu na’in 1 estudante ema Baukau, estuda Instituto Siencias Saúde. Iha Baukau hela iha Aldeia Caibilale, suku Caibada, Baukau Vila, no iha Dili hela iha aldeia Fomento 3, suku Komoro. Kazu pozitivu ida ne’e, sai husi Dili ba Baukau, maibé iha Dili nia hela hamutuk ho ema ne’ebé iha kontaktu-besik ho kazu pozitivu ne’ebé antes ne’erelata tiha ona.

“Ekipa konjunta saúde munisípiu Baukau ohin rekolla ona 65 amostras husi kontaktu besik ba kazu pozitivu ne’e,” dehan nia

Nia relata, dadus jeral Covid-19 ba loron ohin nian,  kazu foun 8, kazu rekuperadu 2 no azu ativu 82 iha sala izolamentu.

Tan ne’e, fo’o hanoin ba populasaun katak rezolusaun governu Nº12/2021, 8 de Marsu kona-ba serka sanitária iha munisipiu Dili, proibi ema atu tama sai husi Dili, hotu-hotu tu’ur hakmatek  iha fatin.

Nia informa, autoridade ne’ebé bele autoriza ema nia movimentu maka Brigadeiro General Aluk, Diretor Sentru Integradu Jestaun Krize. resolusaun Governo ne’e mós obriga sidadaun hotu iha sidade Dili, atu halo konfinamentu domisiliáriu jeral. Ida  ne’e signifika, hela iha uma, labele sai. Sai de’it wainhira presiza tamba moras, hola hahán, ou sira ne’ebé halo servisu esensial.

Nune’e mós informa ba públiku katak hahú ohin, dia 13 de Marsu, hamosu  ona korredor abastesimentu ba sasán atu sai husi Dili, no tama mai Dili. Pedidu autorizasaun hotu tenki diriji  ba Brigadeiru Jeneral João    Miranda ‘’Aluk’’, Diretor SIJK-SS.

Enkuantu koordenadór apela ba populasaun Timor-Leste tomak, atu nafatin hakmatek, maski kazu konfirmadu aumenta ba bei-beik, no naklekarmós ona ba munisípiu Baukau, husu   atu tu’ur nafatin hakmatek, atu nafatin matan-moris neon na’in, lalika sé tilun ba lia-anin ka rumores, pratíka nafatin  medida sira ne’ebé ita hotu hatene ona : Uza mascara, fase liman beibeik ho sabaun ka dezinfetante ruma, evita kose liman ba matan, inus ho ibun, wainhira kumprimenta malu, lapresiza ka’er liman, bensa-liman, rei-malu ka haku’ak malu, evita halibur malu barak, hamri’ik ka tur do’ok husi ema seluk, mínimu metru ida ho balun.

Jornalista : Sandi Belo

Asisten Editór : Pedro de Almeida

1,834 Views
Artikel ini telah dibaca 95 kali

badge-check

Editor

Baca Lainnya

Sentru Saúde Lore-I Laiha Dotor Atu Atende Pasiente Inan Isin-rua 

6 June 2024 - 15:51

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Trending di SAÚDE