Lafaek News—Ekipa saúde iha postu entradas Laivai Baukau foti ona swab ba abitante 80 ne’ebé viajen husi Dili ba Lautém iha loron 7 Marsu 2021.
Diretór servisu saúde Munisípiu Lautém Bernardo Amaral Lopes informa, sidadaun Lautém oan 80 ne’e hahú kedas serka sanitaria primeriu iha Dili sira mai iha loron 7-8 Marsu kontinua mai too ohin loron.
“Kuartu kalan iha sidadaun Lautém oan sira nain 7 kontinua tama mai iha Lautém nain rua iha karta autorizasaun no nain lima laiha karta autorizasaun, ha’u orienta kedas ba ekipa vijilánsia iha balizia Laivai haruka kedas ba iha Sentru Saúde Lautém hodi foti sampel, sidadaun sira kontinua hala’o viajen husi Dili mai Lautém fó impaktu negativu ba munisípiu Lautém, tanba bele mós hetan transmisaun lokál iha ne’e,” katak Bernado Amaral Lopes ba jornalista sira iha Lautém, kinta semana ne’e.
Diretór ne’e relata, hahú husi loron 7 Marsu to agora sidadaun sira husi Dili mai Lautém barak la kumpri serka sanitaria ne’ebé aplika hela iha munisípiu hodi halai subar mai munisípiu Lautém.
Entretantu, ekipa vijilánsia servisu saúde Munisípiu Lautém monta ona ekipa iha pontu entradas Laivai hodi kontrola sidadaun sira mai husi kapitál Dili.
Jornalista : CE. Lautem
Ediora : Nelya Barros
