Lafaek News—Pontu vokál Forum Organizasaun Noun- Govementál (FONGTIL) husi munisípiu Kovalima relata monitorizasaun durante inplementasaun serka sanitária iha pandemia Covid-19, rezultadu situasaun fronteira kontroladu.
“Ohin Polísia UPF halo kontrola iha fronteira 24 oras durante implementa serka sanitária iha munisípiu Kovalima, durante serka sanitária ema tama illegal laiha, ba posto 6 serka sanitária laiha ona, hanesan, posto Tilomar, posto Fohorem, posto Maucatar postu Suai Vila postu Fatululik no postu Zumalai,” dehan Pontu Vokál FONGTIL, Bendito Amaral Barros, liu husi Zoom Meting, kuarta, (17/03/2021).
Portavos hatete, iha postu Fatumea sei implementa serka sanitária to’o data 21 fulan Marsu 2021. Postu polisia agora dadaun muda ba área fronteira postu Tilomar ho postu Fataumea nomos área fronteira postu Fohorem no postu Fatumea, bainhira hetan ema balun kontra regras serka sanitária polisia kaptura lori ba karantina.
Servisu saúde nian iha Munisípiu Kovalima, la’o nafatin no bebeik fahe informasaun ba komunidade sira kona-ba situassaun Covid 19 nian iha munisípisu Kovalima.
“Halo kontrolu no teste swab ba ema sira ne’ebé tama iha karantina tanba kontra regras serka sanitária, halo test swab ba komunidade sira bainhira ba iha Ospital tantu ba kura moras ou lori ema ne’ebé moras ba ospital,” tenik nia.
Enkuantu total ema ne’ebé iha karantina durante implementasaun serka sanitária hamutuk 58, kompostu husi husi ema ne’ebé kontra regras serka sanitária no pesoal saúde sira ne’ebé halo tes swab ba komunidade sira iha area fronteira.
Alende ne’e mós pontu vokál halo observasaun ba uma funsionariu Agrikulutra ne’ebé afetadu Covid-19 iha salele Postu Tilomar, bainhira rejultadu teste swab hatudu pozitivu família ne’e lori ba kedas karantina, nain 4 hela iha karantina Suai, hanesan (funsionáriu Agrikultura ho nia fen ho oan nain 2 lori ba izolamentu iha Dili).
Jornalista : Etelvina sarmento
Asisten Editór : Pedro de Almeida
