Lautém-(Lafaek News)—Ministériu Edukasun Juventude no Deportu (MEJD), liu husi Edukasaun Munisípiu Lautém, halo ona elaborasaun ba profesores kontratadu Lautém hamutuk 211, hodi submete ba nasionál ho intensaun muda estatutu husi kontratu husi tinan 2013 ba permanente.
“Relasiona ho rekrutamentu ba professór kontratu sira ne’e, ami halo ona enkontru ho diretór eskola sira hodi elabora mapamentu hodi submete dadus kompletu ba Ministeriál, Responsavel Servisu Edukasaun Lautém Manuel Oliveira, ba lafaek news iha Lautém, sesta (29/01/21).
Responsavel edukasaun Lautém ne’e haktuir Informasaun ne’ebé nia simu husi ministériu edukasaun katak sei loke vaga ne’e profesór kontratadu iha territóriu hamutuk na’in 975.
“Haree ba ida ne’e ami tur hamutuk ona hodi elabora mapamentu pesoal munisípiu nian manda ba ministériu atu nune’e bele kompleta prosesu rekrutamentu ninian, agora dadauk prossesu mapamentu seidauk termina, maibé bazeia ba ida ne’e foin bele deside professór tuir mapamentu nee,” dehan responsável edukasaun munisípu Lautém ne’e.
Ikus liu responsável ne’e hateten prosesu sira hotu sei la’o hamutuk ho diretór eskola sira hodi elabora depois remata mak aprezenta ba ministériu.
Jornalista : CE Lautém
Editora : Nelya Barros
