Lafaek News—Comisaun Nasional Eleisaun (CNE), Alcino Barris, informa nia parte realiza ona peskiza ba lala’ok durante servisu hamutuk entre CNE ho STAE, ba lala’ok eleisaun.
Prezidente CNE, Alcino Barris.
Asuntu ne’e hato’o husi, Prezidente Comisaun Nasionál Eleisaun (CNE), Alcino Barris, ba jornalista sira hafoin sorumutu ho Prezidente Repúblika Francisco Guterres, Lú Olo, sesta (29/01/21), iha palasíu prezidensial Bairro-Pite Dili.
“Ami realiza ona peskiza ida atu haree bá lala’ok sira durante servisu hamutuk ho STAE para haree bá vantajen no dez-vantajen ruma ne’ebé mellora tan ba eleisaun sira tuir mai,” katak Prezidente CNE.
Jerente CNE ne’e afirma, antes depois iha eleisaun antisipada hotu Comisaun Nasionál Eleisaun (CNE), ho Prezidente Repúblika halo kedas revizaun ba lei aktus eleitorais hodi fó pareser bá governu liu husi Ministériu Administrasaun Estatál (MAE) kona-ba lei sira ne’ebé presiza atu revela.
“Ami informa ona ba sua-exelensia Prezidente Repúblika atu halo lansamentu enjeral ida ho nivél aas itoan atu ami bele konsege realiza iha tempu ne’ebé, ho sua-exelensia PR maka bele fó inisiu de abertura ho biban ne’e bele konvoka polítiku sira ba iha rai laran para sira bele apresia hodi fó netik rekomendasaun,” hakotu Alcino Barris.
Jornalista : Sonia de Almeida
Asistensia editor : Egidio Nono
