EKONOMIA · 14 Jan 2021 11:12 ·

EDTL Rekoñese Sukus Hamutuk 76 Seidauk Asesu Eletrisidade


EDTL Rekoñese Sukus Hamutuk 76 Seidauk Asesu Eletrisidade Perbesar

Lafaek News—Presidente Konsellu Administrasaun Eletrisidade Timor Leste  (EDTL-EP), Paulo da Silva, hatete sukus iha territóriu laran hamutuk 76 seidauk instalasaun liña eletrisidade.

“Tuir ha’u hatene mais menus 76 sukus maka seidauk asesu ba eletrisidade, ha’u hatene iha tinan ida ne’e iha ona planu oinsá maka ita hare’e bele kobre hahu projeitus eletrifikasaun ba suku sira ne’ebé seidauk asesu, maibé sei hahú ho suku balun iha tinan ida ne’e,” Presidente Konsellu Administrasaun EDTL. EP, Paulo da Silva, ba jornalista sira iha Novu Turizmu, kinta semana ne’e.

Paulo hatete, da-daun ne’e hahú hare’e servisu báziku kona-ba manutensaun sistema distribuisaun sira, no mós hahú halo servisu eletrifikasaun ba projeitu foun sira liu-liu suku sira ne’ebé seidauk asesu.

Iha tinan hirak liu ba tékniku EDTL nian hanesan projeitu eletrifikasaun ba monta iha territóriu laran tomak, maibé konsumidór barak sei uza enérjia eletríka ho gratuita, tan ne’e nia parte sei sosa kontadór hodi monta nune’e konsumidor bele selu.

“Ita hatene katak kada konsumidór sira ne’e barak maka sedauk monta kontadór, entaun to’o agora konsumidór sira uza gratis hela, ba oin empreza EDTL sei hola kontadór barak liu tan para hahu monta ona, no tulun husi autoridade sira para halo regulamentu ema hotu-hotu tenke selu. Entaun ita sei kompras barak liu tan kontadór para monta no obriga tenke selu,” nia informa.

Presidente ne’e fundamenta, ba oin governu sei estabelese autoridade nasionál ba esletrisidade no kria regulamentu oinsá uza no asesu ba enérjia, tan ne’e empreza públiku ne’e sei servisu hamutuk ho autoridade atu hare’e ema ne’ebé uza enérjia eletrisidade obrigatoriamente tenke selu.

Tanba, parte konsumidór sira ne’ebé asesu ba enérjia eletrisidade iha territóriu laran ne’e barak seidauk selu, kustu atu atende ba operasaional mai husi ne’ebé? Nune’e  sai empreza ona hakarak ka lakohi autoridade sei halo regulamentu ema hotu-hotu sei selu eletrisidade.

Nia dehan, kestaun konsumidór iha kapasidade atu selu ka lae ne’e governu maka sei hare’e, maibé parte empreza EDTL nian maka tenke iha retornu.

“Ba ami emprezariu maka ne’e, ami hasai $ 1 dolar, ami hatene katak retornu iha ka lae, entaun ne’e prinsípiu ba empreza, se buat sira ne’e ita halo ba oin alternativu opsoens ita sei hamosu, entaun sei ajuda para kontribui oinsá mak hatun presu eletrisidade, hodi nune’e ba konsumidór sira ne’ebé lato’o bele asesu ho di’ak,” tuir nia.

Jornalista      : Pedro de Almeida

Editora           : Nelya Barros

1,605 Views
Artikel ini telah dibaca 74 kali

badge-check

Editor

Baca Lainnya

SEFOPE Halo Mudansa Ba Oráriu Teste Lian-Ingles Iha Munisipiu 4

27 February 2024 - 17:22

SEKoop Posse Estrutura FENACU-LENDA NA’IN 8

6 February 2024 - 10:19

Governu Apresia Kompania Patricia Fresh Lounge Unip.lda Prodúz Sosis-Timor ho Tua-Manas

26 January 2024 - 08:20

ADB Apoiu Ona Osan Miliaun 600 Ba Estadu TL Inklui impréstimu

12 January 2024 - 18:18

SEFOPE Haruka Tan Timor-Oan 67 ba Servisu Iha Austrália  

10 January 2024 - 16:43

MNEK-ADB no Trade Investe Estabelese Akordu Servisu no Investimentu Iha TL  

10 January 2024 - 08:57

Trending di EKONOMIA