Lafaek News—Ministériu Transportes no Telekomunikasaun liu husi Diresaun Nasional Meteorolojia Geofísika (DNMG), alerta ba públiku territóriu nasional atu mantein kuidadu relasiona klima ne’ebé sei akontese iha fulan oin ne’ebé sei mai.
bazeia ba Automatic Weather Station (AWS), ne’ebe estabelese iha munisípiu balun liu-liu iha Dili laran, alem de observa mos husi dadus Modelu Global sira hatudu durante fulan Outubru to o ohin loron maioria munisípiu simu ona udan been ho nia volume total akumuladu aproximadamente 200 mm/mes liu-liu iha rejiaun foho sira.
Enkuantu umidade rai mos bokon hela de’it (50%), iha ne’ebe hatudu katak parte balun, rai ne’e labele simu ona bee enkuantu udan been monu, katak umidade rai ne’e saturada ona nune’e bainhira udan been monu ba rai nia labele ona atu infiltra bee, entaun konsikuentemente udan been monu nia espalha kedas ba fatin- fatin nune’e provoka bee sa’e ka inundasaun iha fatin-fatin prinsipal iha rai tetuk.
Entretantu relasiona ho informasaun iha leten maka dnmg hakarak apela ba komunidade hotu atu “toma atensaun ba udan bo’ot” tanba tuir previzaun ne’ebé dnmg halo ba semana ne’e nia laran apartir dia 22 to’o 28/11/2022 hatudu katak iha teritóriu timor laran hotu sei kontinua experimenta udan ho intensidade fraku-forte liu principalmente iha rejiaun foho sira, tanba ne’e husu ba komunidade em jerál atu tau atensaun ba eventual ne’e, nafatin hadok an husi fatin risku sira nune’e bele evita husi dezastre ne’ebe ita hotu la espera.
Entretantu (DNMG), informa katak bainhira mosu Kazu emergencia ruma ou karik precija halo evakuasaun, mantem kalma, evita paniku no halo tuir de’it orientasaun Autoridade lokal ou pessoal Protesaun Civil ne’ebe besik.
Husu Públiku atu nafatin akompanha informasaun ba kondisaun Tempu no Klima husi fontes ne’ebe konfiavel no kredivel no instituisau sira ne’ebe servisu iha Ramu Redusaun Risku Dezastre nian Previzaaun tempu detalhe sei atualiza kada loron.
Informasaun hirak ne’e Média Lafaek News- asesu iha loron 24/11/2022 liu husi husi komunikadu Imprensa, Ministerio Transportes no Komunikasoens (MTK) Diresaun Nasional Meteorolojia no Geofísica (DNMG).
Jornalista : Zita Menzes
Editor : Agapito de Deus
