Lafaek News –Ministru Koordenadór Asuntu Ekonómikus (MKAE), Joaquim Amaral, informa distribuisaun program sesta bázikas iha munisípu 12 atinje ona populasaun sukus hamutuk 122 no Rejiaun Administrativa Espesial Oe-cusse Ambeno(RAEOA) sei iha fase preparasaun.
“Munisípiu hotu-hotu hahu ona, RAEOA maka iha hela fase preparasaun, distribuisaun sesta bázikas ne’e ita atinje ona 122 sukus no benefisiarius 400 mill resin maka hetan ona no benefisia ba ema barak ona,” dehan MKAE Joaquim Amaral, ba jornalista sira hafoin partisia iha reuniaun kosellu ministru, sesta, 08/01.
Governanate dehan, iha ámbitu distribuisaun maka produtu rai laran menus presiza loke dalan hodi submete mós foos iha merkadu lokál sira, nune’e bele garante programa sesta bázikas.
“Konserteja atu garante programa sestas bázikas la’os hare’e de’it ba foos rai, maibé foos sira ne’ebé iha merkadu lokál ne’e mós bele submete, se produtu rai laran menus ita tenke manten ritmu distribisaun ne’e tenke loke dalan atu bele hili foos ne’e iha ita nia merkadu, hanesan foos mutin iha merkdu mós bele tama iha programa sesta bázikas,” hateten nia.
Joaquim, dehan ba da-daun ne’e programa Sesta Bázikas prosesu kontinua la’o, maske iha situasaun estadu emerjénsia ho tempu udan tanba ne’e distribisaun balun atraza iha transportasaun ba suku sira tanba iha difikuldades ho transporte ne’ebé la’o neneik.
“Distribuisaun la’o hela soke iha situasaun EE ne’ebé iha ajustamentu lubuk ida hanesan ita hatene sempre iha distansiamentu sosial no protokulu tenke kumpri ne’ebé nia ritmu ne’e lahanesan maibé ita tenta para funsionamentu programa ne’e la’o nafatin,” katak ministru.
Nia dehan tuir planu programa sesta bázikas sei planeia iha fulan finalize iha janeiru 2021, maibé ho situasaun udan, bele to’o fulan fevereiru tinan ne’e.
Jornalista : Pedro de Almeida
Editora : Nelya Barros
