Lafaek News–Vítima dezastre rai nakfera no halai iha erosaun iha Uai-laha no Baduho’o postu administrativu Venilalale Munísipiu Baukau evakua ona ba hela provizoriu iha sede suku no simu ona sasan husi governu hodi konstrui s iha suku rua ne’e nafatin ne’ebé dook husi fatin deszastre .
Dadus uma kain 7 husi suku rua mak hanesan Suku Uai Laha uma kain 6 no suku Baduho uma kain ida 1 maka hetan ona aihan no material konstrusaun hosi Governu Timor Leste.
Xefe suku Uai-laha, Rafael Guterres, hateten nia komunidade uma kain 6 ho total familia 29 oras ne’e hetan ona apoiu material konstrusaun no aihan iha sede suku no planu sira sei konstrui uma dook husi fatin dezastre iha suku Uai-laha.
“ Uma kain 6 husi hau nia suku ida husi Badoho’o agora dadaun simu ona material kontrusaun iha sede suku no sira sei kontri nia uma iha suku ne’e duni maibe ami sei negosio hela ho vitima atu hari uma do’ok husi fatin dejastre “ Dehan xefe suku Vai-laha Rafael ba lafaek News liu husi telefonika, kinta (31/12/2021)
Parte hanesan koordenador Deszastre Naturais Munisípiu Baukau, Basilio relata iha uma kain hitu evakua sai ona husi sira nia hela fatin atu hetan apoiu material konstrusaun iha tempu badak.
“ Uma kain 7 mak evakua sai ona husi sira nia hela fatin Ita atu apoiu material construsaun ba sira ih tempu badak material ne’ebe sira hetan mak Sumentu,besi kalen pregu,Osan sasan emersensia” dehan Kordinador Basilio
Vítima sira agora da-daun hela iha sede suku Uai-laha Postu Venilale munisípiu Baukau dezatre rai nakfera no balun halai ne’e impaktu husi rai nakdoko iha semana ne’e.
Jornalista : Acacio Pinto
Editor : Agapito de Deus
