SOSIÁL · 17 May 2021 07:03 ·

Defisiente Aliança : “Ami Na’in Tolu Bele Mate Tanba La Asesu Tratamentu Saúde”


Defisiente Aliança : “Ami Na’in Tolu Bele Mate Tanba La Asesu Tratamentu Saúde” Perbesar

Lafaek News—Uma kain Acacio Antonio Maria Pereira ho nia kaben Aliança Rodrigues ho oan nain rua, ba da-daun enfrenta problema saúde no labele asesu tratamentu, tanba kauza husi konfinamentu obrigatóriu iha ne’ebé bandu transporte públiku movimentu hodi transporta povu biit laek sira ba halo tratamentu saúde.

Avo Acacio ho nia kaben ho oan feto ne’ebe sofre hela moras rins hamriik hamutuk iha sira nia varanda oin aldeia Metin IV Bebonuk. foto Acacio Pinto.

Iha atividade kobertura espesiál lafaek news iha uma kain ida husi aldeia metin-4 suku Bebonuk sofre moras kompostu husi aman, inan no oan ne’ebé defirente, Acacio Antonino nu’udar xefe família sofre moras kumplikadu, nia kaben ho oan feto ida sofre defisiénsia, enkuantu serka sanitáriu no konfinamentu obrigatóriu ne’e aumenta bei-beik sei lori risku ba ema kiik sira moris.

“Ha’u ho oan feto mòs difisiènsia hotu Katuas oan moras atan tan, ami araska se mak atu buka osan ba ami, ema ida buka osan ba ami ne’e laiha, estadu taka nafatin hanesan ne’e atu halo nusa, ne’e ami bele mate hamlaha, see dalan loke karik ami la’o ba buka netik ruma fa’an, agora hanesan ne’e ami la’o mòs la di’ak, ema sira forsa no serbisu ne’e sei araska sa tan ami,” Aliança ho matan been ba Lafaek News, iha nia rezidènsia aldeia Metin-IV Bebonuk, foin lalais.

Oan husi Defisiente Alianca ho Acacio, sofre hela moras rins ne’ebe da-daun liga hela mangeira iha parte kotuk laran.

Acacio Antonino ne’ebé da-daun sofre hela moras kumplikadu inklui nia kaben ho oan feto ida sira nain sofre defisiénsia fíziku loron-kalan sulan de’it, nune’e susar tebes iha ekonomia uma laran no suar mór atu asesu tratamentu saúde tanba transporte públiku la movimentu hanesan bai-bain.

Orjinalidade uma kain, Acacio ho Aliança Rodrigues, husi munisipiu Bobonaro Suku Karabau ne’ebè da-daun ne’e ho oan nain rua hela iha aldeia Metin-4 Suku Bebonuk, Postu administrativu Dom Aleixo munisipiu Dìli, oras ne’e da-daun halerik tebes ba aihan ne’ebé atu sustenta uma laran.

“Kondisaun moris hanesan ne’e ami uma laran fraku hotu, tanba ha’u nia katuas oan moras kleur ona moras hanesan Kabu laran manas, matan no estomuk, han mòs uitoan de’it, agora iha de’it uma atu ba hospital mòs la di’ak  dalan taka, oan feto atu ba troka mangera mòs la di’ak kareta la halai,” katak Aliança iha nia rezidénsia aldeia Metin IV Bebonuk.

Aliança mós haktuir, nia rasik uluk saúde normal, iha loron ida isin manas ataka kuaze semana ida la di’ak sai fali defisiente hanesan ne’e, atu hakat tenke hiit ain no lori buat todan mòs labele, ain rua ne’e maten hotu, la’o ne’e obriga an de’it.

Iha fatin hanesan, Acacio Antonio Maria Pereira, hanesan Aliança nia laen, hateten moras ne’e kleur besik tinan neen (6) nia laran ona, ba ospital di’ak fila mai, komesa moras fila-fali too agora.

“Agora estadu taka metin tiha dalan ne’e ami atu la’o no book mòs la di’ak, dalan ne’e taka bei-beik, ami moras atu ba ospital mòs labele, ita sente ulun moras inus metin de’it hanesan babain ne’e mòs dehan tau hotu ba korona, haktuir kaben husi defisiénte ne’e .

Enkuantu antes ne’e Aliança ho nia oan feto hetan ona subsídiu husi governu kona-ba difisiensia nian, katuas oan hetan mos osan Terseira idade nian, maibè fulan neen (6)  foin foti dala ida.

Iha observasaun lafaek news iha uma ne’ebé Acacio ho Aliança ho oan nain rua horik ba, kondisaun infraestrututra di’ak kompostu husi hariis fatin no dapur tein nian, maibé situasaun ne’ebé uma kain ne’e enfrenta maka saúde la di’ak, no suar atu asesu tratamentu saúde tanba transporte públiku la movimentu hanesan baibain hodi fasilita povu kiik sir aba asesu saúde.

Konstiuisaun iha artigu 21 hateten, sidadaun ne’ebé iha defisiénsia fíziku eh mentál iha direitu no mós obrigasaun hanesan sidadaun sira seluk, maibé sira sei la hala’o knaar hirak ne’ebé sira labele hala’o tanba de’it sira-nia defisiénsia. II estadu bainhira bele, promove protesaun ba sidadaun sira-ne’ebé iha defisiénsia, tuir lei haruka.

aleinde ne’e iha artigu 20 mensiona sidadaun sira-ne’ebé ferik no katuas (terseira idade), iha direitu ba protesaun espesiál hosi stadu ho polítika ba ema ferik no katuas sira-ne’ebé terseira idade, sei loke leet ba sira-nia partisipasaun iha moris sosiál, ekonómiku, kulturál, atu nune’e bele moris ho dignidade iha komunidade nia laran.

 

 

Jornalista : João da Costa Soares

Editor         : Agapito de Deus

1,085 Views
Artikel ini telah dibaca 32 kali

badge-check

Editor

Baca Lainnya

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Defisiénsia Filomena Tinan 20 Ona Iha De’it Toba Fatin “Presiza Tebes Kadeira Roda”

22 April 2024 - 14:24

AES-PNTL Oferese Aihan Ba Kbiit Laek Marcos Mendonça Ho Nia Kaben no Oan-Tolu Hodi Hatutan Moris

16 March 2024 - 18:22

PNTL Halo Asaun Karidade Ba Komunidade Defisiénsia no Vulnerável

16 March 2024 - 11:08

Trending di SOSIÁL