Lafaek News—Defisiénsia fiziku doubro ain no matan, Cesilia de Jesus Anes husi munisípio Aileu ho nia família sira hela iha kost merkadu Taibesi kuaze semana rua ona foos laiha nune’e obrigadu loron ida han dala ida de’it too kalan no ajuda hahán husi viziñu.

“Durante semana rua ona inan aman la haruka buat ruma mai, ami hahan laiha ona loron ida ami han dala ida dehan Cesilia ba lafaek news iha nia kost fatin suku Taibessi,” segunda (22/03/21).
Defisiénsia fíziku ne’e katak uluk seidauk aplika serká sanitaria seidauk iha inan-aman iha foho kada semana sempre manda osan ho modo ba sira iha kost, maibé agora labele haruka ona ona osan ho modo mai tanba seguransa sira la loke dalan.
“Agora ne’e sira la manda mai ona tanba dalan taka no sira la lori modo mai ami faan tanba kareta mos karik husi Aileu mai selu osan 15 too 20 husi baliza Aileu mai Dili mos kareta husu $.15 too 20, entaun ami nia família sira iha foho la haruka osan ho modo mai,” defisiénsia ne’e haktuir.
Cesilia relata, iha kost ne’e ema na’in hitu mak hela inklui nia, sorte na’in rua konsege ba tiha foho hafoin implementa serka sanitáriu, entaun durante semana rua nia laran viziñu sira mak fornese hahán ba sira hodi haan.
“Ami hela iha kost ne ami nain hitu nai rua ba ona foho antes implementa serka sanitária agora ami nain lima de’it taun semana rua ne’e vizinu sira mak fo hahán ba ami na’in lima, ami iha kost ne’e defiénsia fíziku ami nain, sira seluk kondisaun fíziku di’ak hotu, maibé iha ne’e mos dudu gerobak hotu mak buka osan,” dehan nia.
Cesilia orijinalidade husi suku Fahisoi aldea Mautoba postu Reméxiu munisípiu Aileu nia hetan dezastre kareta baku fila iha tinan 2011 iha Aileu no agora eskola iha UNTL estuda kona-ba Dezenvolimentu Komunitária .
Cesilia ho nia kolega sira ne’ebé hela hamutuk iha merkado Taibesi mak Egas Eliza Pereira, Deometro Belo, Bendito Araujo, no Lidia de Jesus mesak estudante no vendedór aileba ho dudu karosa.
Banhira jornalista Lafaek News vizita nia kost iha Taibesi hodi hare direta ba sira nia hahán foos iha toples laran hela de’it kopu kiik rua ne’e la aguenta too loron rua ka tolu.
Cesilia ho nia kolega mos la asesu ona eletrisida tanba laiha ona osan atu hola pulsa eletrisidade, tan ne’e durante semana rua kalan-kalan sunu de’it lilin hodi estuda no buka ai maran hodi tein han, maibé bee moos laiha.
Jornalista : Acacio Pinto
Editora : Nelya Barros