POLÍTIKA · 22 Mar 2021 05:10 ·

Adolmando Husu Governu Justifika Ema Estranjeiru Tama Timor Iha Ámbitu Serka Sanitáriu


Adolmando Husu Governu Justifika Ema Estranjeiru Tama Timor Iha Ámbitu Serka Sanitáriu Perbesar

Lafaek news—Reitór Universidade da Paz, Adolmando Soares Amaral, afirma relasionadu ho traballadór estranjeiru husi kompania China Harbour hamutuk 154, tama iha Timor Leste iha situasaun serka sanitária (lockdown) husu governu tenke justifika tanba bandu povu kiik hodi fo livre ba estranjeiru tama Timor Leste.

“Ha’u hanoin govenu presija esplika ho onestidade ba povu ida ne’e atu sira bele konprende, tanba da-daun ne’e ita aplika hela serka sanitáriu, más iha parte seluk governu fó hela oportunidade ba ema estranjeiru sira tama sai iha Aeroportu” dehan Reitór Universidade da Paz, Adolmando Soares Amaral iha nia kna’ar fatin Manleuana, segunda (22/03/2021)

Akademista ne’e hatutan tan, se governu presija duni sira atu ajuda iha parte balu ne’ebé nesesidade duni ba governu, laiha baut ida naran katak, estranjeiru sira ne’e livre husi moras pandemia ne’e  maske sira mai husi nasaun afetadu.

“Ha’u hanoin sira nafatin merese karantina obrigatóriu tuir medidas ne’ebé iha, maibé bainhira sira karantina, se mak sei responsabiliza, se governu mak responsabiliza ha’u hanoin di’ak liu governu tau matan ba nia povu bai-bain sira duke tau matan ba estranjeiru sira,” Reitor ne’e preokupa.

Nia reforsa tan, maibé se traballadór estrajeiru sira ne’e ba karantina obrigatoriu no kustu hotu sira rasik mak responsabiliza, ne’e la iha problema tanba sira mai ajuda governu iha parte balun sira mós kumpri regras ne’e hatur ona.

“se governu mak selu hotu kustu durante sira iha karantina, ha’u hanoin ne’e problema tanba dadaun ne’e, ita nia povu sira ne’e basik ona ba risku hamlaha” tenik nia.

Nia hakotu, infelizmente, governu fó ona subsídiu foos ba estudade sira ne’ebé hela iha kost maibé povu bai-bain komesa halerik ona tanba sira labele halo servisu no aktividade ekonomia entaun, rendimentu la iha oinsa sira atu kompra ba nesesidade báziku sira hodi sustenta moris.

 

 

Jornalista   : Felisberto da Costa Fernandes

Editora : Nelya Barros

1,917 Views
Artikel ini telah dibaca 33 kali

badge-check

Editor

Baca Lainnya

Naimori : “Iha Timor Ha’u ho Ramos Horta Mak Ko’alia Unidade Nasional”

23 April 2024 - 10:39

Berta Kontinua Lidera KHUNTO Ho Sekretariu Jeral Eleitu

23 April 2024 - 10:19

Naimori : KHUNTO sei la husik FRETILIN ho PLP Mesak

22 April 2024 - 00:08

KHUNTO Troka De’it Xefe Bankada La’os Hasai Olinda Husi Partidu

21 April 2024 - 09:19

PR Parabeniza Armanda Berta Iha Kongresu KHUNTO Ba da-IV “Olinda Guterres La Marka Prezensa”

21 April 2024 - 09:13

PR ho PPN Diskute Preparasaun Viajen ba Abudabi  

21 February 2024 - 08:33

Trending di POLÍTIKA