Lafaek News-(Maubise)–Centro Nasional Chega (CNC), kuarta (30/03/22), hamutuk ho Konsellu Imprensa (KI) fasilita formasaun ba jornalista rádiu komunidade sira kona-ba jornalizmu ba paz hodi promove no proteje direitus umanus atu kontribui ba paz no estabilidade iha rai-laran.
Abertura ba formasaun jornalismo ba paz ne’e, diretor CNC Hugo Maria Fernandes, salienta formasaun ne’e importante tebes ba jornalista sira hotu atu haklean kapasidade jornalista sira iha mundu jornalizmu.
Centro Nasionál Chega ho Konsellu Imprensa lori entidades estadu nian tenke valoriza kna’ar jornalista sira liu husi formasaun ba Jornalista sira atu hametin kapasidade jornalista nian”, dehan diretòr CNC ba jornalista lafaek news iha Salaò Parokial Maubise 30/03/2022
Nia hateten entidades ne’ebe mak fo kontribuisaun signifikante tebes ba ita nia luta Mak mundu jornalismo mak Liu husi Jornalista Sira nia knaar tamba nee CNC ho KI kontinua akompanha obras jornalista sira nian ne’ebe promove pàz direitus umanus,Liu husi premiu Jornalista Maria Goreti
Iha fatin hanesan Jornalista Rádiu Komunidade Maubise (Rakom) Joaquim de Fátima, sente orgulho tebes hafoin partisipa formasaun jornalismou ba pàz no objetivu husi formasaun ne’e atu bele komprende didiak saida jornalizmu ba paz
Ha’u hanesan Jornalista hetan oportunidade tuir formasaun jornalismo ba paz senti orgulho tebetebes no objektivo husi formasaun nee oinsa ita bele kria no komprende didiak saida mak formasaun jornalismo ba paz no oinsa atu hakerek noticia Kona ba paz,” dehan
Formasaun ne’e hetan partisipasaun màximu husi jornalistas hamutuk 36 kompostu husi media online Tatoli, Lafaek News, Naunil, Neon Metin, Loluwari, Tempo Timor, SMNwes, Oekuse post, Rttl .Tvet, Gardamor t, jornal Dili post, STL news, Indepedent ho Timor post, inklui Rádiu komunidade Manufahi, Maliana, Ermera Ainaru, Baucau, Manatutu, Oe-kuse, Aileu, Maubise, Vikeke, Lospalos, Kovalima, Likisa ho radiu komunidade Atauro.
Jornalista :Domingas Viana
Editor : Agapito de Deus
