MB XANANA TUUR IHA KARETA-LETEN ASISTI HOUSI DOK SOLENIDADA FESTA RESTAURASAUN URA NO TARA-TAIS UKUN BA PR FOUN, DR JMRH IHA TASI-3, 19/05/2022.
Housi: Domingos Maia.
Cena esquesito ida: MBX tuur tiha iha kareta-leten hodi asiste Solenidade Eventu-Boot rua ne’e housi dok de’it hamutuk ho povu. Ida ne’e hamosu sentimentu saida housi povu no bainakar sira?
Maluk sira hotu: Uluk nana’i, Saudasaun ba Selebrasaun tinan 20 Restaurasaun URA no Simu Kna’ar PR foun, Dr. JMRH, ba tinan 5 (lima) tuir mai.
Povu tomak tantu grupu ida manan ka ida lakon, depozita ona laran-metin ba susesu-ukun di’ak ba Povu no Nasaun RDTL!
Iha eventu-boot 2 (rua) ne’e, observa mós sentimentu 2 (rua):
a) Ema barak mak senti duni ksolok tebes ba asiste solenidade selebrasaun ida ne’e oin ba oin.
b) No barak mós foti-liman nú sinál gaba tiha MBX nebé tuur de’it iha kareta-leten, kahur tiha ho povu nu’udar sidadaun bai²n ida hodi asiste mós housi dok solenidade festa-boot ne’e.
Maibé, uluk nana’in, ha’u tenke deskulpa ba maluk sira hotu molok hatoo hanoin ida ne’e:
MB Xanana mak figura karismátiku ida tuir natureza; no idola ema barak nian, liu² povu-simples sira basá nia hatudu duni simplisidade umana naturál ida ne’e.
Maibé, nakloke de’it, ha’u sente mós iha liberdade atu hato’o hanoin no sentimentu privadu ruma nebé la fó ksolok.
Tanbasá mak MBX la hola-fatin nakunu hamutuk iha kadeira-vip ba eventu-boot ida ne’e?
Afinál:
a) Biban osan-mean ida ne’e atu tara tais-ukun Nasaun nian ba kandidatu nebé MBX tau-liman ba.
b) reprzentante housi belun individu no Nasaun-balun sira hola-fatin nakunu hodi fó mós apoiu ba ukun-foun iha liman P-CNRT nuan.
Karik MBX sei sente alerjia hasouru ho ukun-na’in sira Governo ida ne’e nian? Ou hafalun hela trunke polítika ruma, ou la konsente hatudu lala’ok foti-an ida?
Bainhira loos mak na’i-ulun boot sira Nasaun nian brani hatudu oin-midar ba malu ho atitude rekonsiliadora tan Povu no Nasaun nia interese?
Sentimentu ida ne’e, livre, la reprezenta privadu ka grupu ida.
Reflete ba.
