Lafaek News–Lider karizmátikku Kay Rala Xanana Gusmão hatudu an iha serimonia posse Prezidente Repúblika (PR) periodu 2022-2027, José Manuel Ramos Horta iha iha Tasi-Tolu, maibé ho jestu hanesan ema povu babain ida tuur iha kareta tronton leten hodi haree lala’ok serimonia istóriku ne’e.
Natureza husi serimonia ne’e mak prezidente eleitu José Ramos Horta ne’ebé Xanana rasik deside apoiu totalmente iha kampania eleisaun prezidensial periodu 2022-2027 komesa kedan husi kampania dahuluk too manan vitoria iha eleisaun ronde daruak, loron 19/05/2022 sai fali loron istóriku ida atu ema hotu hasara jestu lider karizmátiku ne’e lori an hanesan ema povu babain iha serimonia ne’e.
Jestu Xanana nian laiha ema ida atu halo no la’o tuir, úniku tebes iha serimonia posse prezidente repúblika José Ramos Horta, ne’ebé Timor Leste konvida xefe estadu husi Portugal no primeiru ministru Guene-Bissau nian ho konvidadus VVIP hirak ne’ebé reprezenta nasaun husi liur mai Timor Leste hodi partisipa serimonia posse (investidura) ba xefe estadu periodu 2022-2027, José Ramos Horta.
Xanana Gusmão tuur iha tronton leten halo finze hanesan ema babain, taka nia sapeo kor malahuk, kamizola liman badak, hatais kalxa levis babain tuur liman taka netik oin bainhira jornalista sira hateke hetan hodi hasai nia fotigrapia, finze taka netik liman ba oin, jestu ne’e dada ema seluk ne’ebé asiste hela serimonia ne’e la hateke ona ba palku posse nian, maibé ema hotu hateke ba tronton ho xapa matrikula 59056-TL nia kabina leten.
Xanana tuur hakmatek hodi observa parade militar lian nonok, ema balun la hatene se mak tuur hela iha kabina tronton leten, haree husi ema seluk preukupa hateke lisuk ba kareta leten afinal lider karizmátiku Kay Rala Xanana Gusmão mak tuur hela iha kareta leten hatudu an ho jestu ema babain.
Bainhira jornalista Lafaek News dada-lia ho joven foin sa’e ho Jhon Henrique idade 29, hateten bainhira nia haree Xanana Gusmão tuur iha kareta ne’e leten nia sente triste mata-wen atu monu, jestu lider karizmátiku lolos ema bai-bain, maibé tuir lolos Xanana tenke tuur hamutuk ho nia família Kristy Gusmão ho Kaiolo ne’ebé hola fatin iha VVIP nian.
Ha’u triste tanba loron ne’e la’os loron babai, loron espesial bainaka espesial mai barak, maibé nusa maka avo Nana iha liur , ba hau haree nia jestu ladun di’ak, maibé hatudu an ema babain,’’katak Jhon Henrique.
Tuir observasaun jornalista lafaek news nota, lider karizmátiku durante serimonia hala’o too prezidente repúblika eleitu simu pose, Xanana tur iha kareta leten ho minutu balun tuun fali husi kareta hodi la’o ba mai tonka nia sigaru ho nia eskoltu sikat an hamutuk ho komunidade kiik sira iha liur.
Jornalista : Acacio Pinto
Editor : Agapito de Deus
