Lafaek News-Prezidente Grupu Kadalak, Vitoriano Domingos Soares Aparicio dos Santos, husu juventude Timor Leste, atu halo reflesaun ba ida-idak ninia an iha komemorasaun independénsia Timor Leste ba dala 20 iha 20 de Maiu 2022.
Vitorino hatoo asuntu ne’e iha ámbitu seminariu nasional ne’ebé hala’o husi grupu Kadalak atu akumula foin sa’e sira oinsá bele reflete independénsia tinan 20 iha Timor Leste.
Ami hanoin katak reflexaun ne’ebe mak ami foti 20 de Maiu, ami hanoin katak lori juventude sira oinsa mak atu bele refleta fila-fali ba iha realidade tinan 20 ba kotuk halo projetu ida ne’ebe ke projeta ba tinan 20 depois de restaurasaun independensia, ha’u hanoin ida ne’e importante dever moral, dever sidadaun ida ne’ebe mak oinsa sidadaun kuda sira nia an hodi kontribui iha rai ida ne’e ho di’ak,’’Domingos Soares Aparicio dos Santos ba jornalista sira iha salaun katedral Kinta ( 19,05,22)
Kadalak mosu ho objetivu oinsá bele organiza semináriu nasional ho tema jeral atu valoriza no habelar espíritu 20 de Maiu, joven hotu koko atu kompriende didi’ak kona-ba loron istóriku 20 de Maiu 2022.
Ha’u hanoin konteudu husi 20 de Maiu ne’e oinsá ita bele troka malu pontus balu ne’ebe mak hanesan ohin ita ko’alia katak iha 20 de Maiu ita hatene katak loron ida ne’ebe importante oinsa ita bele rekonhese internasionalmente kona-ba ita nia independénsia nia rasik, hanesan mos momentu ne’ebe ita nia konstituisaun tama iha vigor,’’nia sublina.
Vitorino relata, juventude Timor-oan sira ne’ebé partisipa iha semináriu nasional ho tema jeral ne’e hamutuk ema 60 resin ne’ebé mai husi grupu relijiozu, partidu polítika, estudantes ensinu sekundária hotu inklui universitárius iha munisípiu Dili hodi partisipa iha atividade importante oinsá bele hanoin kontribuisaun ba Timor Leste nia di’ak hanesan foin sa’e Timor-oan.
Estajiadu : Osias Eco
Editor : Agapito de Deus
