Natarbora-Lafaek News—Akontesimentu bus ida marka Seseba ho nia xapa matrikula 38.808 TL, diresaun Vikeke-Dili baku fila iha area Manehat postu administrativu Natarbora rezulta pasajeiru (feto) ida ain kotu.
Kauza husi akontesimentu bus baku fila ne’e, seidauk hatene lo-loos, tanba polísia tránzitu sei dalan diresaun Manatutu ba fatin akontesimentu hodi rekoilla dadus relasaun husi akontesimentu ne’e.
Informasaun atual ne’ebé lafaek news rekoilla husi terrenu katak polísia unidade seluk marka ona prezensa hodi asegura hein polísia tránzitu munisípiu Manatutu hodi hala’o prosesu identifikasaun motive husi akontesimentu refere.
Lafaek news tenta konfirma ho komunidade balun lakohi fó nia identidade informa katak bainhira karreta ne’e baku fila kondutor ne’ebé konduz bus refere halai lakon husi fatin akontesimentu no husik hela pasajeiru feto ida ne’ebé ain kotu mak iha hela bus laran.
Entretantu too agora komunidade sira hamutuk ho polisia husi unidade seluk asegura nafatin vítima sira husi asidente hodi hein ambulánsia Manatutu hodi evakua vítima sira ba ospitál hodi halo tratamentu emerjénsia.
Tuir informasaun ne’ebe Lafaek News rekoila iha terrenu katak, karreta hamutuk 6 mak baku fila kompostu husi karreta fuzu tula sesta bazika, truck rua, karreta avansa ida, ho trator inklui ema na’in neen mak lakon vida
Jornalista : Acacio Pinto
Editora : Nelya Barros
